Nida.az
Azərbaycanın “agenti”ndən ittihamlara sərt CAVAB
İsrailin keçmiş xarici işlər naziri, “Bizim evimiz
İsrail” partiyasının lideri Aviqdor Liberman onu “Azərbaycanın
agenti” olmaqda ittiham edən solçu MERETZ partiyasının lideri Zaava
Qalyona cavab verib.
Publika.az xəbər verir ki, A. Liberman Z. Qalyonun
əslində bu ittihamlarla özünü ifşa etdiyini bildirib: “Onun məntiqi
absurddur. Bu, 1937-ci ili xatırladır. O vaxt NKVD (SSRİ-nin Daxili
İşlər üzrə Milli Komissarlığı) istintaqa cəlb etdiyi insanların
hansı dili bildiklərini öyrənir və latın dilini bilənlərə “latın
casusları” damğasını vururdu. Qalyon məni bu məntiqlə ittiham edir.
Onda mən rumın dilini bilirəm, deməli, Azərbaycanın yox,
Rumıniyanın casusuyam”.
A. Liberman bütün bu ittihamları cəfəngiyat adlandırıb.
“Bu ağılsız adam, görünür, Azərbaycan-İsrail münasibətlərinin
əhəmiyyətini anlamır. Buna təəccüblənmək lazım deyil. Axı sol
radikallar Fələstinin bütün istəklərinin qəbul edilməsini
istəyirlər. Bu, onların adi yanaşmasıdır. Azərbaycanla İsrailin
əlaqələrini qiymətləndirmək üçün isə bu haqda ətraflı məlumata
sahib olmaq lazımdır”, - deyə o bildirib.
Azərbaycanın coğrafi strategiyasının, ölkəmizdə yaşayan yəhudi
icmasının və dövlətin onlara diqqətini, eləcə də İranla
münasibətlərdə Bakının önəmini irəli sürən Liberman indiyə qədər
Azərbaycanla qurduğu əlaqələrdən danışıb: “Mən yalnız İsrail
dövlətinin maraqlarını düşünürəm və əgər buna görə mənim
Azərbaycanla əlaqələrdə ittiham edirlərsə, bundan ancaq fəxr edə
bilərəm”.
A. Liberman əlavə edib ki, Z. Qalyon və onun tərəfdarları xaricdən
müxtəlif maliyyə vəsaitləri əldə etdiyi üçün onun lideri olduğu
partiyanın Knessetə təqdim etdiyi “Xarici agentlər haqda” qanun
layihəsinə qarşı çıxıb: “Onlar ağızları köpüklənə-köpüklənə bizim
layihəmizi pisləməyə başladılar və məni “agent” adlandırdılar.
Qalyon və onun dostlarına çox yaraşan qədim bir məsəli
xatırladacam: it hürər, karvan keçər. Onlar hürəcəklər, amma biz
İsrail dövlətinin xeyrinə çalışacaq, onun müdafiəsini gücləndirəcək
və beynəlxalq nüfuzunu möhkəmləndirəcəyik. Hər kəs öz qabiliyyəti
üzrə bacardığını edəcək”.
Qeyd edək ki, Z. Qalyon haqda yayılan məlumatlarda onun
ermənipərəst olduğu deyilir. Belə ki, Qalyon Knessetdə “erməni
soyqırımı”nın tanınmasını nəzərdə tutan qanun layihəsinin
müəlliflərindən biridir. Bir neçə ildir ki, İsrail parlamentində
“erməni soyqırımı”nın tanınması yönündə fəal lobbiçilik edir. Onun
rəhbərlik etdiyi partiya erməni maraqlarının qatı lobbiçisidir və
Knessetdə “soyqırım”ın tanınması üçün çalışır.
Asif Nərimanlı
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR