Nida.az
Ermənistandan Pan Gi Muna şikayət olundu - MÜRACİƏT
Dünya Azərbaycanlıları Assambleyası
Ermənistan-Azərbaycan, Dağlıq Qarabağ münaqişəsi ilə bağlı BMT Baş
katibi Pan Gi Muna, Avropa Parlamentinin prezidenti Martin Şultsa,
ATƏT-in fəaliyyətdə olan sədri Almaniyanın xarici işlər naziri
Frank-Valter Ştanmayerə, ATƏT Parlament Assambleyasının prezidenti
İika Kanervaya müraciət ünvanlayıb.
Assambleyadan Publika.az-a daxil olan
müraciətdə Ermənistan silahlı birləşmələrinin bir neçə gün öncə
Dağlıq Qarabağda atəşkəsi pozmasına diqqət çəkilir: “Beynəlxalq
təşkilatlar hər iki münaqişə tərəfini atəşkəsə əməl etməyə, sülh
prosesini davam etdirməyə çağırıblar. Beynəlxalq qurumların,
dünyada sabitlik siyasətini anlayırıq. Həm də onu anlayırıq ki,
Avropa öz sərhədlərində yeni münaqişə ocaqlarını görmək istəmir.
Ancaq 22 ildir imzalanmış sülh müqaviləsindən sonra aparılan
danışıqlar nəticə vermir, Ermənistan hazırkı status-kvonun davam
etməsində maraqlıdır. Bu gün tarixi, coğrafi faktlar, beynəlxalq
hüquq normaları bir daha sübut edir ki, Dağlıq Qarabağ Azərbaycanın
tərkib hissəsidir”.
Müraciətdə qeyd olunur ki, ərazisinin bütövlüyü, suverenliyi hər
bir ölkənin bölünməz və müzakirə edilməz məsələsidir.
“Bir anlıq öz ölkənizdə bu hadisələrin törədildiyini təsəvvür
etsəniz, mənzərə gözünüzün önündə canlanar. Dağlıq Qarabağ
Ermənistanın müstəqil şəkildə törətdiyi bir problem deyildir.
Dünyanın müxtəlif ölkələrində yaşayan azərbaycanlıları bir məsələ
düşündürür. Bu ədalətsizliyə nə zaman son veriləcək? Nə zaman
Ermənistanın Xocalıda, Dağlıq Qarabağın bir çox bölgələrində baş
verən etnik təmizləmə siyasətinə hüquqi qiymət veriləcək? Baş
verməyən “erməni soyqırımı”nı tanıyan dövlətlər və qurumlar nə
zaman Ermənistanın Xocalıda törətdiyi soyqırımını tanıyacaq? Bir
daha xatırlatma üçün deyək ki, Dağlıq Qarabağ tarix boyu Azərbaycan
tərkibində bir vilayət olub. Sovet imperiyasının çöküşündən sonra
özünün qeyri-qanuni müstəqilliyini elan edib. Əlbəttə ki, bu
məsələdə kənardan dəstəklə daha da cəsarətlənmiş Ermənistan dövləti
Azərbaycanın ərazi bütövlüyünü qəsb etdi. Sizlərdən tələbimiz və
ricamız budur ki, Ermənistanın işğalçı, etnik təmizləmə siyasətinə
hüquqi qiymət verəsiniz. Bunu eyni zamanda beynəlxaq qanunlar tələb
edir”, - deyə müraciətdə bildirilir.
Beynəlxalq hüquq
1. BMT – nin Baş Assambleyasının 2625 qərardarı (millətlər və
xalqlar bir birinin ərazi bütövlüyünə qarşılıqlı hörmətlə
yanaşmalı) və BMT Nizamnaməsinin 1-ci maddəsində göstərildiyi kimi
sülhün və beynəlxalq təhlükəsizliyin qorunması əsas prinsip olaraq
qəbul olunur.
2. Bildiyiniz kimi beynəlxalq humanitar hüquq hərbi əməliyyatlar
zamanı insan həyatının, xüsusi ilə də mülki şəxslərin həyatının
qorunması ilə mükəlləfdir ki, bu qaydalarda özünün bir sıra
beynəlxalq aktlar və hüquqlarda tanınmışdır. Məsələn, 1907-ci ildə
qəbul olunmuş “Hay qaydaları”, 1949-cu ildə qəbul olunmuş 4 Cenevrə
konvensiyalarını buraya aid etmək olar
3. BMT-nin 1970-ci ildə qəbul olunmuş Bəyannamənin əsas
prinsipləri olan dövlətlərin suveren bərabərliyi, güc tətbiq
etməmək və ya güclə hədələməmək, həmçinin, Avropada təhlükəsizlik
və əməkdaşlıq üzrə Helsinki Müşavirəsinin 1 avqust 1975-ci il
tarixli Yekun aktının sərhədlərin toxunulmamazlığı, dövlətlərin
ərazi bütövlüyü, əsas insan hüquq və azadlıqlarına hörmət edilməsi
prinsipləri pozulubdur.
Müraciətdə Ermənistanın Xocalıda törətdiyi soyqırımı aktına
xüsusi diqqət çəkilir: “25–26. 02.1992-ci il tarixində Xocalı
şəhərinə daxil olan Ermənistan silahlı qüvvələri orada bir millətə
qarşı soyqrımı siyasətini tətbiq dib, 2500 nəfər sakini olan
rayonda 8 ailə tamamilə, 63 kiçik yaşlı uşaq, 106-sı qadın, 70-i
yaşlı olmaqla qəddarlıqla öldürülüb, bundan başqa yaralanan 487
nəfərdən 76-sı uşaq olub. 1275 xocalılı əsir, 150 xocalılı itkin
düşüb. Bu hadisə ilə Ermənistan hakimiyyəti Birləşmiş Millətlər
Təşkilatının Baş Assambleyası tərəfindən 9 dekabr 1948-ci il
tarixdə qəbul olunmuş Soyqırımı cinayətinin qarşısının alınması və
onun cəzalandırılması haqqında Konvensiyanın tələbləri və
prinsipləri ciddi şəkildə pozubdur. Yuxarıda göstərilən prinsipləri
və səbəbləri əsas götürərək, sizdən bu məsələyə hüquqi qiymət
vermənizi tələb və eyni zamanda rica edirik. Əks halda edilən
müraciətlərə susqun cavabınız bu haqsızlığa laqeyd yanaşmanızı
ortaya qoyacaqdır”.
Asif Nərimanlı
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin126 Aprel 21:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə26 Aprel 21:10
Qırmızı işıqda keçən nazirin maşını aşdı - FOTO
-
Magazin126 Aprel 20:22
Müğənni Yalının qohumu sevgilisi tərəfindən qətlə yetirildi - FOTO