“Metsamor” məsələsi AŞPA-da qaldırıldı

Avropa Şurası Parlament Assambleyasının iyunun 19-24-də keçirilən yay sessiyasında Ermənistanda yerləşən "Metsamor" Atom Elektrik Stansiyasının fəaliyyətinin yaratdığı təhlükələr məsələsi qaldırılıb.

Publika.az xəbər verir ki, Azərbaycan nümayəndə heyətinin üzvü Vüsal Hüseynov AŞPA-ya bu məsələyə müdaxilə etmək çağırışı edib: "Assambleyanın diqqətini mühüm ekoloji və insan hüquqları ilə bağlı məsələ olan, Ermənistanda yerləşən "Metsamor" Atom Elektrik Stansiyasının fəaliyyətinə yönəltmək istərdim. Belə ki, Ermənistanın məsuliyyətsiz davranışı nəticəsində minlərlə insan həyatı məhv ola bilər. Bu məsələ əvvəllər AŞPA-nın bir sıra struktur qurumlarında müzakirə edilsə də Assambleyanın diqqətinə təqdim edilməyibdir. Lakin indi hesab edirik ki, bu məsələ xüsusilə yüksək diqqət tələb edir və bunun üçün 2 həyəcan siqnalı mövcuddur. Birinci səbəb Gürcüstan rəsmilərinin cari ilin aprel ayında bir neçə Ermənistan vətəndaşının 200 milyon avro dəyərində nüvə materiallarının qaçaqmalçılığı zamanı həbsi edilməsi ilə bağlı verilmiş rəsmi məlumatdır. Təəssüf ki, bu birinci belə fakt deyil, oxşar hallar əvvəldə baş veribdir. Qaçaqmalçılıq üçün imkanlar, Ermənistanda mövcud yüksək korrupsiya hansı ki, hüquq mühafizə və sərhəd xidmətlərindən yan keçmir, bu ölkəni qara əllər və terrorçular üçün cəlbedici edir. Təəssüf ki, Ermənistanın özündə də belə qara əllər mövcuddur. Belə ki, Ermənistanın hazırki, parlament üzvü və keçmiş Baş Nazirinin müavini dəfələrlə Ermənistanın nüvə silahını əldə etməsini bildirmişdir. Baş verən hadisələr və bəyanatlar fonunda bu stansiyanın fəaliyyəti çox narahatedicidir".

V. Hüseynov qeyd edib ki, ikinci əsas səbəb stansiyanın vəziyyətidir.

"Bu stansiya 1976-cl ildə fəaliyyətə başlayıb və fəaliyyətini 1988-ci ildə zəlzələdən sonra dayandırıbdır. 1995-ci idə geniş beynəlxalq təzyiqlərə baxmayaraq, fəaliyyətini bərpa edibdir. Faktiki olaraq Avropa İttifaqı bir neçə dəfə bu stansiyanın fəaliyyətinin dayandarılması üzrə Ermənistana çağırışlar edibdir. Qeyd etdiyim zəlzələnin episentiri bu stansiyadan 75 km aralıda idi. "Metsamor"un fəaliyyəti təkcə Ermənistan əhalisi üçün təhlükə yaratmır eyni zamanda region üçün böyük təhlükədir. Belə ki, o təqribi olaraq qonşu ölkələrdən 20-100 km məsafədə yerləşibdir. Bu baxımdan Assambleynın müdaxiləsi çox mühümdür. Görünür ki Ermənistan rejimi nəinki öz əhalisi heç region əhalisinin təhlükəsizliyi barədə də düşünmür. Bu səbəbdən Assambleya olaraq biz çağırış etməliyik ki, stansiyada təhlükəsizlik tələbləri gücləndirilsin və insanların hüquqlarına və təhlükəsizliyinə hörmət edilməklə, istismar müddəti bitmiş köhnə stansiyanın fəaliyyəti dayandırılsın. Çernobl və Fukuşima fəlakətləri heç zaman yaddan çıxmayacaqdır və biz yeni bir problemin qarşısını almaq üçün səsimizi qaldırmalıyıq", - deyə o çıxışından burğulayıb.

Asif