BDU-da ulu öndər Heydər Əliyevin anım günü qeyd olundu

Bu gün Bakı Dövlət Universitetində ulu öndər Heydər Əliyevin anım günü qeyd olunub.

Mətbuat və informasiya şöbəsindən Publika.az-a verilən məlumata görə, universitetin professor-müəllim heyəti, tələbələrinin iştirak etdiyi anım mərasimini açan rektor Abel Məhərrəmov ulu öndər Heydər Əliyevin müdrik siyasətindən, tarixi uzaqgörənliyindən, Azərbaycan dövlətinin qurulub inkişaf etdirilməsindəki xidmətlərindən bəhs edib. Ümummilli liderin elm, təhsil, mədəniyyət sahələrinin inkişafına göstərdiyi əvəzolunmaz rolundan danışan rektor bu siyasətin Prezident İlham Əliyev tərəfindən uğurla davam etdirildiyini diqqətə çatdırıb.

Vitse-spiker Bahar Muradova isə çıxışında ulu öndər Heydər Əliyevin Azərbaycan xalqı və dövləti üçün gördüyü işlərdən, həyata keçirdiyi layihələrdən, ölkəmizin beynəlxalq aləmdə söz sahibinə çevrilməsindəki xidmətlərindən bəhs edib, müstəqil Azərbaycanı ümummilli liderin şah əsəri adlandırıb.

Tədbir millət vəkili Fəttah Heydərov və BDU-nun kafedra müdiri Anar İsgəndərlinin çıxışları ilə yekunlaşıb.