Nida.az
Azərbaycan peyki uğrunda Vaşinqton-Brüssel müharibəsi
Amerikalılar Azərbaycan peykinin orbitə buraxılmasında Avropa Birliyi şirkətlərinin iştirakından narahatdır.
Publika.az xəbər verir ki, ABŞ-ın “The Hill” nəşri Vaşinqtonu
kosmik müqavilələr uğrunda mübarizə aparmamaqda günahlandırıb:
“Beləliklə, ABŞ milyonlarla pul itirir. Ən aktual məqam
Azərbaycanla bağlıdır. 2013-cü ildə birinci ABŞ istehsalı olan
telekommunikasiya peykini işə salmış qərbyönümlü müttəfiq bunun
üçün 120 milyon pul xərclədi. Dövlət Departamentinin səbəb olduğu
maneələrə və bürokratizminə görə, Azərbaycan kosmik sahədə
müqavilələrini Avropa şirkətləri ilə bağladı. Bu işdə Fransa önə
çıxdı. Ardınca alman şirkətləri oyuna girdi. Bakı öz uğuruna
kifayət qədər pul xərclədi. Bu prosesdə ABŞ və Avropanın fərqi açıq
şəkildə görünür. Avropalılar daha çox biznesmen olaraq davrandılar
və Azərbaycana inadkarcasına nəvaziş göstərdilər. Beləliklə, burda
Avropa Birliyi şirkətləri qələbə çaldı, ABŞ şirkətləri isə itki
verdi”.
Nəşr ironiya ilə bunun üçün Dövlət Departamentinə təşəkkür edib.
Çünki “The Hill” Azərbaycanla münasibətlərin pozulmasında Dövlət
Departamentinin bürokratizmini səbəb göstərir.
Ardınca Vaşinqtonu 2015-ci ili növbəti fürsət olaraq
dəyərləndirməyə çağırır.
“2015-ci ildə Azərbaycan digər telekommunikasiya peykini işə
salacaq. Avropanın Azərbaycan biznes səhnəsində qələbəsini aradan
götürmək üçün bu amerikalılar üçün fürsətdir”, - deyə nəşr qeyd
edir.
Qeyd edək ki, 2013-cü ilin 8 fevralında ABŞ-ın “Orbital Sciences”
korporasiyası tərəfində STAR-2 platforması əsasında hazırlanmış
“Azerspace-1” peyki orbitə Fransanın “Arianespace” şirkətinin
yüksək etibarlılığı ilə seçilən “Ariane-5” daşıyıcı raketi ilə
buraxılıb.
Azərbaycan bu il növbəti peykini orbitə buraxmaq niyyətindədir.
Asif Nərimanlı
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin126 Aprel 21:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə26 Aprel 21:10
Qırmızı işıqda keçən nazirin maşını aşdı - FOTO