Nida.az
Müsavat rəhbərliyi haqda şok iddialar: 7 rəqəmli maliyyəni kim mənimsəyib?
“Arif Hacılı anti-demokrat olmaqla yanaşı, qatı regionçudur. O, naxçıvanlılara nifrət edir. Onunla münasibətlərimizin kökündə dayanan səbəblərdən biri də budur”.
Bunu Publika.az-a açıqlamasında Müsavat
başqanlığına keçmiş namizəd, ADR üzvü Səxavət Əlisoy deyib.
“Müsavatda 7 rəqəmli mənimsəmə olub”
Əslən Naxçıvandan olan S. Əlisoy Müsavat başqanının regionçuluq
xəstəliyinə tutulduğunu bildirib.
“Arif Hacılı və komandası 2006-cı ildə qurultaydan sonra Məclisə
sədr seçkisi keçirilən zaman məğlub olacaqlarını bilirdilər.
Bununla bağlı onunla söhbətimiz oldu. Arif Hacılı başqan
seçkilərində onu müdafiə etməyimi istədi. Öz növbəmdə şərtlər irəli
sürdüm və bildirdim ki, əgər mənim müdafiə etməyimi istəyirsənsə,
bu şərtlərə riayət elə. Həmin şərtlərdən birincisi 2003-cü ildə
seçki qərargahında yığılmış pulların, ianələrin aqibəti barədə
hesabat vermək idi. Çünki həmin vaxt 7 rəqəmli mənimsəmə faktından
söhbət gedirdi. Buna cavab verə bilmədi. İkinci şərtim
naxçıvanlılara nifrətinin kökündə nəyin dayandığını izah etməsi
idi. Təbii ki, buna da cavab vermədi, hətta and-aman edərək belə
bir söz işlətmədiyini bildirdi.
Müsavat Məclisindəki bütün çıxışlar partiyanın mətbuat xidmətinin əməkdaşı, video-operator Mehman Kərimli vasitəsilə videolentə köçürülüb. Əgər Hacılının cəsarəti varsa, çıxıb bütün bunları əsaslı şəkildə təkzib etsin. Hacılı hazırda ətrafında olan bir dəstə boşboğazın arxasında gizlənib və guya onlar vasitəsilə mənə cavab verir. Arif Hacılının həndəvərindəki həmin qullara da öz mövqeyimi dəfələrlə xatırlatmışam”, - deyə o bildirib.
Qeyd edək ki, son dövrlər Müsavatdaxili qarşıdurma sosial
şəbəkələrdə açıq şəkildə özünü büruzə verir. Xüsusilə Arif
Hacılının əleyhdarları onun haqqında bəzi məqamları
açıqlayırlar.
“İsa Qəmbər “Yastı Salman”, Arif Hacılı “Əbülfəz”, Pənah
Hüseyn “Lal Hüseyn”
Vaxtilə Müsavatın Sumqayıt rayon təşkilatının rəhbərliyində təmsil
olunan Qabil Rzayev Arif Hacılını qrupbaz, siyasi ambisiyasını
partiya maraqlarının üzərində görən insan kimi xarakterizə
edib.
“Arif Hacılı Müsavatda qrupbazlıq siyasətinin təməlini qoyan
insandır. Bu gün Müsavat deyilən partiyadakıların əxlaq səviyyəsinə
mən Hacılının əxlaqına baxaraq qiymət verirəm. Bir sözlə, İsa
Qəmbər “Yastı Salman”, Arif Hacılı “Əbülfəz”, Pənah Hüseyn “Lal
Hüseyn”dir”, - deyə o Müsavatı “Böyük dayaq” filminin personajları
ilə eyniləşdirib.
“ADR-ə qarşı kampaniyanın başında Arif Hacılı
dayanır”
ADR üzvü, İsa Qəmbərin keçmiş müşaviri Hüseyn Məlik də Arif
Hacılını kəskin tənqid edib. O, Müsavat Partiyasının ADR-ə qarşı
olduğunu bildirir.
“Azərbaycan Demokratiya və Rifah hərəkatına qarşı aparılan
kampaniyanın başında Arif Hacılı dayanır. Əvvəl tədbirin
keçirilməsini məqsədəuyğun hesab etmədiklərini deyirdilər. Sonra
bizə zal hazırladıqlarını bildirdilər. Guya biz bilərəkdən hazır
zalda tədbir keçirməmişik. Deyirlər ki, Müsavat daxilində
müsavatçıların hüquqlarını müdafiə komitəsi yaratmaq olmaz. Bu
məntiqə görə dövlətin daxilində də vətəndaşların müdafiə komitəsi
yaradılmamalıdır”, - deyə o vurğulayıb.
İsa Qəmbərin sabiq müşaviri daha sonra partiyanı 2015-ci il parlament seçkiləri öncəsi bazarlıq etməkdə günahlandırıb və mandat əldə etmək üçün aparılan oyunları pisləyib.
P. S. Yazıda adı keçən şəxslərin də mövqeyini
işıqlandırmağa hazırıq.
Asif Nərimanlı
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR