Nida.az
İqtidar – müxalifət dialoqu: Müsavat və AXCP “yox”, Pənah Hüseyn “hə” dedi
Sabah Beynəlxalq Mətbuat Mərkəzində Yeni Azərbaycan Partiyasının (YAP) dialoq və siyasi partiyalarla əlaqələr komissiyasının sədri, PA-nın şöbə müdiri Əli Həsənovun dəvəti ilə növbəti iqtidar-müxalifət dialoqu keçiriləcək.
Publika.az dialoqda iştirak edən siyasi partiya sədrlərinin
fikirlərini öyrənib.
Demokratik İslahatlar Partiyasının (DİP) sədri, millət vəkili Asim
Mollazadə bu cür dialoqların vacib olduğunu deyib: “Siyasi
partiyalar arasında dialoq həmişə aktual məsələdir. Hansısa
məsələləri eyni masa arxasında müzakirə etmək, çıxış yolları
axtarmaq daha yaxşı variantdır, nəinki uzaqdan bir-birini ittiham
etmək. Bizim partiya həmişə dialoqun tərəfdarıdır”.
ADP sədri Sərdar Cəlaloğlu iqtidar-müxalifət görüşünün
keçirilməsini olduqca əhəmiyyətli hadisə adlandırıb.
“Ötən dəfə keçirilən dialoq bu prosesin müstəvisini formalaşdırdı.
Hər şeyi müzakirə edərək həll etmək siyasi tarixdə uğurlu
variantdır. Hesab edirəm ki, bütün siyasi partiyalar belə
dialoqlarda iştirak etməlidir”, - deyə o bildirib.
ADP sədri hazırki siyasi situasiyada dialoq üçün şərtlərin irəli
sürülməsini lazımsız hesab edir: “Mən digər partiyalar kimi Müsavat
və AXCP-nin də burda iştirakını arzulayıram. “Yerdə-göydə ancaq mən
varam” deməklə iş bitmir. Bu yanaşmanı xüsusilə cəbhəçilərdə
görürük. Dialoqdan heç kəs kənarda qalmamalıdır. Bir nəfər kənarda
qalırsa, onun əhəmiyyəti azalır. Demokratiyanın ən vacib
prinsiplərindən biri konsensusdur, razılaşmaqdır”.
S. Cəlaloğlu sabah baş tutacaq dialoqun ölkə üçün əhəmiyyətli
olacağını hesab edir.
AMİP sədri Yusif Bağırzadə də dialoqun Azərbaycan üçün lazımlı
proses olduğunu bildirib: “Siyasi hakimiyyət, yaxud müxalifət olmaq
olar. Yaxud bu proseslərin heç birinə qoşulmamaq da olar. Amma
söhbət Azərbaycandan gedir. İndiki şəraitdə ümummilli məsələlər
daha önəmlidir, nəinki siyasi, yaxud partiya maraqları. Biz
dövlətçilik üçün həmişə güzəştə getməyi bacarmalıyıq. Şərtli
danışıq heç kəsə lazım deyil”.
Böyük Quruluş Partiyasının (BQP) sədri, millət vəkili Fazil Mustafa
siyasi partiyalar arasında təmasın vacibliyini qeyd edib. Onun
sözlərinə görə, dialoq siyasi tarixdə ən vacib məsələdir və bundan
qaçmaq doğru yanaşma deyil. F. Mustafa sabah keçiriləcək görüşü
yüksək qiymətləndirdiyini bildirib.
Ana Vətən Partiyasının (AVP) sədri, millət vəkili Fəzail Ağamalı
siyasi müzakirələrin ən faydalı iş olduğunu hesab edir.
“Çəkişmək, didişmək yox, dialoq aparmaq lazımdır. Bəzi müxalifət
nümayəndələri uzun illər iqtidarı dialoqa hazır olmamaqda ittiham
edirdi. İndi Prezident Aparatının şöbə müdiri Əli Həsənovun
rəhbərliyi ilə dialoq keçirilir və çox açıq müzakirələr aparılır.
Lakin həmişə dialoq tərəfdarı olduqlarını deyənlər indi görüşdən
imtina edir”, - deyə o bildirib.
Qeyd edək ki, Müsavat partiyası görüşdə iştirakdan imtina edib.
Onlar müzakirə ediləcək məsələlərin əvvəlcədən razılaşdırılmadığını
iddia edərək, səbəb kimi bunu göstəriblər.
F. Ağamalı isə Müsavatın bəhanə etdiyini düşünür. Onun sözlərinə
görə, partiyanın daxilində qarşıdurma pik həddədir: “Ona görə də
belə addımlar atırlar. Müsavat Partiyası dialoqun gedişinə təsir
edəcək gücdə deyil”.
Ən maraqlısı isə Xalq Partiyasının sədri, Müsavata yaxın şəxs kimi
tanınan Pənah Hüseynin dialoqda iştiraka razı olmasıdır. Belə ki,
“Azadlıq-2015” seçki blokunda təmsil olunan səkkiz partiya - KXCP,
Aydınlar, AzDP, BAP, VİP, ALDP, AXP və Azadlıq partiyaları sabah
keçiriləcək görüşdə iştirak haqda qərar qəbul edib.
Görüşdə AXCP də iştirak etməyəcək.
Qeyd edək ki, iqtidar və müxalifət arasında sonuncu dialoq ötən ilin 13-də 17 siyasi partiyanın iştirakı ilə keçirilib.
Asif Nərimanlı
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı