Nida.az
“Sərsəng Su anbarı ilə bağlı əhalidən 3000 şikayət və müraciət daxil olub
Beynəlxalq Mətbuat Mərkəzində Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) “Sərsəng – humanitar faciəsinin qarşısının alınması” adlı 18 aylıq layihəsi çərçivəsində görülən işlərin ardıcıllığının ictimailəşdirilməsinə həsr olunan dəyirmi masa keçirilib.
AVCİYA-nın vitse-prezidenti Vəli Əlibəyov tədbiri açaraq təmsil etdiyi təşkilatın adıçəkilən layihə çərçivəsində 1976-cı ildən istifadəyə verilmiş, hazırda ermənilərin nəzarətində olan Sərsəng Su Ambarının yarada biləcəyi fəsadlarla bağlı həm Bakıda, həm də Tərtər rayonunda keçirilən tədbirlər, yerli əhali ilə təmaslar və s. barədə ətraflı məlumat verib.
Layihənin koordinatoru, ekoloq Samir İsayev çıxışında bildirdi ki, layihə çərçivəsində problemin bilavasitə əhatə etdiyi 6 rayonda – Tərtər, Ağdam, Ağcabədi, Bərdə, Goranboy və Yevlaxda əhali arasında aparılan məlumatlandırma və izahat işləri zamanı yerli əhalidən yazılı şəkildə 3000-dən artıq şikayət, təklif və müraciətlər alıblar. Həmin müraciətlər sistemləşdirilərək bütün beynəlxalq təşkilatlara göndərilib. Nəticələr də artıq özünü göstərir. Koordinator buna misal olaraq, ötən ilin iyul ayında Şamaxıdan olan millət vəkili Elxan Süleymanovun təşəbbüsü ilə Avropa Şurası Parlament Assambleyasının problemlə bağlı artıq qətnamə qəbul etdiyini bildirdi.
Dəyirmi masanın işinə qatılan Meliorasiya və Su Təsərrüfatı ASC-nin təmsilçisi Əjdər Əliyev, Ekologiya və Təbii Sərvətlər Nazirliyinin sektor müdiri Mütəllim Həsənov, Tərtər Rayon İcra Hakimiyyəti başçısının müavini Abbas Cavadov və başqaları ermənilərin Sərsəng Su Anbarı vasitəsilə ətraf rayonların əhalisini daim təhlükə altında saxladıqlarından, qış aylarında suyu açıb buraxaraq Tərtər çayını məcrasından çıxarmalarından, yay aylarında isə əksinə, həmin əraziləri susuz qoymalarından, aparılan monitorinqlər zamanı suyun çirkli və hətta suvarmaya belə yararsız hala salınması faktlarlarından danışıblar.
Dəyirmi masanın yekununda AVCİYA-nın vitse-prezidenti Vəli Əlibəyov layihə çərçivəsində növbəti görülən işlər barədə də ictimaiyyəti mütəmadi məlumatlandıracaqlarını, AVCİYA-nın hazırda paralel olaraq Sərsəng Su Ambarı ilə bağlı jurnalistlər arasında yazı, rəssamlar arasında rəsm müsabiqələri apardığını da söyləyib.
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı