Nida Təhlil
Rusların böyük müharibəsi və “Amerikasız dünya” PLANI
Türkiyə, İran və Rusiyanın vasitəçiliyi ilə Astanada
Suriya müxalifət nümayəndələrinin Bəşər Əsəd qüvvələri ilə
danışıqlar aparması Moskvanın “Amerikasız dünya” xəyalının
təcəssümü idi. Astana danışıqlarında Birləşmiş Ştatları yalnız
Qazaxıstandakı səfiri təmsil edirdi. Lakin Tramp seçkiöncəsi vədinə
əməl edərək, ABŞ-ın qlobal müstəviyə qayıdışına başlayacaqsa,
Rusiya çətin vəziyyətdə qala bilər.
Publika.az xəbər verir ki, Rusiyanın gazeta.ru
saytı yeni dünya düzənində ABŞ-Rusiya qarşıdurmasını şərh edib.
“Amerikasız dünya” xəyalı
Donald Tramp Ağ Evə köçən kimi seçki kampaniyasında verdiyi vədləri
bir-bir yerinə yetirməyə başladı: “Trans-Sakit Okean Əməkdaşlıq”
Sazişindən çıxdı, Meksika ilə sərhəddə divar hörməklə bağlı qərar
imzaladı.
İndi onun ABŞ-ın “dünya liderliyi”ni təkrar gözdən keçirməyi qalır.
Bu konsepsiya SSRİ-nin dağılmasından sonra Amerika siyasətində
qeyd-şərtsiz əsas istiqamət idi. Obama bunun qeyri-mümkünlüyünü
elan etsə də, dolayısı ilə dünya münaqişələrində yaxından iştirak
edirdi. İndi Tramp gəlib və bunu açıq şəkildə bəyan edir.
İran, Türkiyə və Rusiyanın təşkil etdiyi Astana danışıqları isə
“Amerikasız dünya” xəyallarına doğru ilk addım hesab oluna
bilər.
Kremlin sözçüsü Dmitri Peskov bildirdi ki, Astana danışıqları böyük
uğurdur.
“Doğrudur, Suriya üzrə əsas danışıqlar Cenevrədə aparılır. Lakin
orada müəyyən maneələr yarandı. Hesab edirik ki, Astana danışıqları
Cenevrə müzakirələri çərçivəsində prosesin yenilənməsinə kömək
edəcək”, - deyə o bildirdi.
Astana danışıqlarında heç bir nəticə əldə olunmadı, Suriya
müxalifəti yekun sənədi imzalamaqdan imtina etdi və Əsədin gedişi
ilə bağlı israrlarını qüvvədə saxladılar.
Bunun fonunda İran da Suriyada atəşkəsi pozmaqda davam edir və
qoşunlarını bu ölkədən çıxarmaqdan qəti sürətdə imtina edir. Tehran
həmçinin, Rusiyanın mövqeyinin əksinə olaraq, amerikalı
diplomatları Suriyada danışıqlar prosesinə buraxmamağa çalışır.
Amerika nə edəcək?
İlk dəfədir ki, Birləşmiş Ştatların xarici siyasət sükanında
biznesdən gələn insanlar əyləşir: Prezident Tramp və dövlət katibi
Reks Tillerson. Gözləmək olar ki, Amerika dünya problemlərinə soyuq
yanaşacaq. Bu 30-ci illərin “Böyük depressiya”sından sonra belə
olmuşdu və ABŞ dünya müharibəsindən kənar qalmağı üstün tutdu.
Beləliklə, bu gün də Amerikanın “dünya polisi” olmaq istəyini arxa
plana keçirəcəyini ehtimal edə bilərik. Çin də həmçinin, ənənəvi
izolyasiya siyasətini seçərək, özü üçün əhəmiyyətli olan ölkələrə
investisiya yatırmaq istiqamətini seçir və daha çox “yumşaq güc”lə
hərəkət etməyə üstünlük verir. Pekin başqalarının işinə müdaxilə
üçün alışıb-yanmadığı kimi, öz işlərinə də qarışılmasını sevmir.
Nəticədə, böyük oyunçulardan meydanda yalnız Rusiya qalır. Bu
ssenarinin olması mümkündür, lakin belə olanda dünyanı idarə etmək
daha çətin ola bilər.
Rusiyaya qarşı yəqin ki, sanksiyalarla yanaşı, müharibənin ola
biləcəyi də mümkündür. Lakin burada başqa məsələlər də var.
III Dünya müharibəsi
Böyük ölkələrin yeni dünya nizamının formalaşdırılması niyyətləri
var və bunu gizlətmirlər. Bu, ehtimal ki, III Dünya müharibəsinə
gətirib çıxara bilər. Lakin o da məlumdur ki, Çin, ABŞ və Rusiya
bir-birinə qarşı nüvə silahını tətbiq etməyəcək. Burada çətinlik
başqadır: İŞİD kimi terror qrupları onlara qarşı mübarizə
aparılmadığını görəndə daha da irəliləyəcək, hətta “vahid islam
xilafəti” yaratmaq cəhdlərini edəcək. Bununla yanaşı, Şimali Koreya
da problemlər yarada bilər.
Asif
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin126 Aprel 21:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə26 Aprel 21:10
Qırmızı işıqda keçən nazirin maşını aşdı - FOTO
-
Magazin126 Aprel 20:22
Müğənni Yalının qohumu sevgilisi tərəfindən qətlə yetirildi - FOTO