Nida Təhlil
Bu, Azərbaycan və Türkiyə üçün ən həssas məsələdir, əks təqdirdə... - Coşqun Başbuğ
"Azərbaycan NATO üçün çox vacib ölkədir. NATO-nun Baş katibi Yens Stoltenberqin Azərbaycan Prezidenti İlham Əliyevlə görüşü zamanı onun gələcək görüş və toplantılara qatılması ilə bağlı fikirləri də çox əhəmiyyətlidir. Bu, NATO-nun Baş katibinin Azərbaycana və Prezident İlham Əliyevə verdiyi önəmin göstəricisidir. Eyni zamanda, danışıqlar zamanı Azərbaycanın üzərinə götürdüyü öhdəliklərini yerinə yetirməsini yüksək qiymətləndirməsi də qeyd edilməli məqamlardır".
Publika.az xəbər verir ki, bu fikirləri türkiyəli hərbi ekspert Coşqun Başbuğ AZƏRTAC-a deyib.
O deyib ki, görüşdə Prezident İlham Əliyevin xüsusilə Ermənistanla bağlı fikirlərinin bölgənin gələcəyi baxımından yol xəritəsi olmasının vurğulanması müsbət haldır. Çünki Avropada Ermənistanı dəstəkləyənlərin bölgədə baş verən proseslərə münasibəti bəllidir. Ermənistanın bugünkü siyasəti isə Avropadan dəstək almağa yönəlib. Lakin NATO-nun Baş katibi ilə görüşdə səsləndirilən fikirlər artıq Avropanın da regionumuzdakı reallıqları qəbul etdiyinin göstəricisidir. Ümumiyyətlə, Brüsseldəki görüşlərdə Azərbaycan mövzu ilə bağlı niyyətini və məqsədini çox açıq şəkildə ortaya qoydu. Verilən açıqlamalar isə regiondakı qarşıdurmaları, qeyri-sabitliyi yaradan tərəfin Ermənistan olduğunu açıq şəkildə göstərdi”.
Zəngəzur dəhlizinin hazırda Azərbaycan və Türkiyə üçün ən həssas məsələ olduğunu diqqətə çatdıran hərbi ekspert deyib ki, Ermənistanın bu məsələdə hər cür əməkdaşlığa hazır olduğunu ifadə etməsi müsbət qarşılanmalıdır. Çünki Ermənistanın bu günədək apardığı siyasət hamıya məlumdur. Burada sual yaranır: Görəsən, bu mövqe dəyişirmi? Ümid edək ki, elədir.
“İnanıram ki, NATO kimi, bir sıra dövlətlər də həqiqəti görəcək, Azərbaycan Prezidentinin çağırışlarını səmimiyyətlə dinləyib mənasını anlayacaqlar. Əks təqdirdə, bölgənin inkişafı təhlükə altında qalar”, - deyə ekspert fikirlərini tamamlayıb.
-
Magazin202:00
Məşhur reper öpüşmə səhnəsinə görə sevgilisini tərk etdi
-
Qoroskop00:35
Günün qoroskopu: bir sıra mətləblər əyan olacaq
-
Nida Xəbər 1 May 23:50
Paşinyan: Mümkün qədər tez...
-
Hadisə1 May 23:26
Qızı evdən qaçan ata efirdə göz yaşı tökdü - VİDEO
-
İqtisadi gündəm1 May 22:50
Dolların qiyməti ilə bağlı QƏRAR
-
Region1 May 22:42
Türkiyə ordusu şəhid verdi
-
İKT1 May 20:50
Telekanallarla bağlı statistika AÇIQLANDI - Ən çox bu verilişlər...
-
Region1 May 20:40
"Xarici agentlər haqqında" qanun layihəsi ikinci oxunuşda qəbul edildi