“Dünya bunu Azərbaycandan öyrənir” - - FOTOLAR

Bu gün Dini Qurumlarla İş üzrə Dövlət Komitəsi təşkilatçılığı ilə “Tolerantlıq örnəyi Azərbaycan” mövzusunda konfrans keçirilib.

Publika.az xəbər verir ki, tədbirdə çıxış edən Dini Qurumlarla İş üzrə Dövlət Komitəsi sədrinin birinci müavini, yazıçı-publisist Səyyad Salahlı Azərbaaycanda dini tolerantlığın dünya üçün örnək olduğunu deyib:

“Ölkəmizdə yəhudi və xristian dinini yaradanların karikaturasının çəkilməsinə rast gəlməmişik. Təəssüf ki, Paris və Danimarkada Məhəmməd Peyğəmbərin şəklini karikaturasını çəkirlər. Sonra da buna etiraz edənlərin münasibətini vəhşilik kimi təqdim edirlər. Başqalarının dinini təhqir etməkmi, yoxsa dini təhqir edildiyinə görə buna etiraz edənlərin, hisslərini cilovlaya bilməyənlərin münasibətidirmi vəhşilik? Təbii ki, birinci hal. Bütün dinlərin nümayəndələri Azərbaycanda müstəqil şəkildə yaşayır və fəaliyyət göstərirlər.

Azərbaycanda yaşayan xalqlara dini, irqi və digər fərqlər qoyulmur. Dövlətimizin din siyasətində bütün dinlərə bərabər münasibət göstərilir. Bu gün dünyanın 20-dan çox ölkəsində “Azərbaycan multikulturalizmi” fənni tədris edilir. Dünya hazırda bu məsələləri Azərbaycandan öyrənir”.

Daha sonra Dini Quru­mlarla İş üzrə Dövlət Komitəsinin Xarici əlaqələr şöbəsinin müdiri Nicat Məmmədl­inin məruzəsi dinlən­ilib.

Konfransda Qaf­qaz Müsəlmanları İda­rəsinin nümayəndəsi, Bakı şəhəri, Dağ yə­hudiləri dini icması­nın sədri Milix Yevd­ayev, Roma Ka­tolik Kilsəsinin nüm­ayəndəsi Vladimik Baksa, Bilik Fondunun aparat rəh­bəri İsaxan Vəliyev, Avropa Yəhu­dilərinin Bakı dini icmasının sədri Aleksandr Şarovski, Alban-Udi Xri­stian dini icmasının sədri Robert Mobili, Rus Pravoslav Kilsəsi Bakı və Az­ərbaycan Yeparxiyası­nın mətbuat katibi Konstantin Po­minov, Gürcü Yəhudil­ərinin Bakı dini icmasının sədri Abik Çaruxçev və Bakı Beynəlxalq Multiku­lturalizm Mərkəzinin şöbə müdiri iştirak edib.

Gülxar