Səfir “Əl-Cəzirə” rəhbərinə erməni təxribatından danışdı
Bizi izləyin

Nida Xəbər

Səfir “Əl-Cəzirə” rəhbərinə erməni təxribatından danışdı

Azərbaycan Respublikasının Qətər Dövlətindəki fövqəladə və səlahiyyətli səfiri Rəşad İsmayılov dünyanın aparıcı informasiya qurumlarından biri olan “Əl-Cəzirə” media şəbəkəsinin baş direktoru Mustafa Savvaq ilə görüşüb.

Publika.az xəbər verir ki, görüş zamanı media və informasiya mübadiləsi sahəsində əməkdaşlıq perspektivləri müzakirə edilib.

“Əl-Cəzirə”nin baş direktoru M.Savvaq bu cür görüşlərin sözügedən sahədə qarşılıqlı faydalı əməkdaşlığın inkişafı üçün yaxşı zəmin hazırladığını bildirib.

Görüşdə Səfir R.İsmayılov Ermənistan-Azərbaycan Dağlıq Qarabağ münaqişəsi barədə həmsöhbətini məlumatlandıraraq, Ermənistanın təcavüzkar siyasəti barədə danışıb. Səfir Ermənistanın Azərbaycanın işğal olunmuş ərazilərində apardığı qeyri-qanuni fəaliyyətlər, o cümlədən Azərbaycanın mədəni-dini abidələrinə vurulan zərərdən ətraflı söz açıb. Səfir, həmçinin iyul hadisələri zamanı Ermənistanın törətdiyi təxribatlar barədə həmsöhbətinə məlumat verib.

Görüş qarşılıqlı maraq kəsb edən məsələlər müzakirəsi ilə davam edib.

Oxumağa davam et
Reklam
Reklam

Gündəm