Nida Xəbər

Azərbaycan şəhidlərini BELƏ YAD ETDİ - VİDEO

4 Dekabr 2020 13:56

44 günlük Vətən müharibəsində gözünü qırpmadan canını fəda edib şəhidlik zirvəsinə ucalan qəhrəmanlarımızın müqəddəs xatirəsi bu gün saat 12:00-da bir dəqiqəlik sükutla yad olunub.

Publika.az xəbər verir ki, insanlar Qarabağ zəfərinin memarı olan şəhidlərimizin ruhu qarşısında baş əyib, onların xatirəsinə hörmət və ehtiramlarını bir dəqiqəlik sükutla ifadə ediblər. Dövlət bayraqları endirilib, nəqliyyatın hərəkəti dayanıb, avtomobil və gəmilərdən səs siqnalları ucaldılıb.

Qeyd edək ki, hazırda bütün dini ibadətgahlarda (məscidlər, kilsələr, sinaqoqlarda) şəhidlərin əziz xatirəsinə həsr edilən anım mərasimi keçirilir.

Xatırladaq ki, Vətən müharibəsində Silahlı Qüvvələrimizin 2783 hərbi qulluqçusu həlak olub. Hərbi əməliyyatlar zamanı yaralanmış 1245 əsgər və zabitin tibb müəssisələrində müalicəsi davam etdirilir.

Allah şəhidlərimizə rəhmət eləsin, bütün yaralılara şəfa versin.

Pərviz Həşimi