Nida Xəbər

ABŞ səfirliyi ruslara müraciət etdi – “Baş verənlər sizə layiq deyil”

5 Yanvar 2023 17:40

ABŞ-ın Moskvadakı səfirliyi Rusiya xalqına müraciət dərc edib.

Publika.az xəbər verir ki, videomüraciət Amerika diplomatik missiyasının “Telegram" kanalında yerləşdirilib.

Müraciətdə deyilir ki, Rusiya və ABŞ dünyanın üzləşdiyi böyük çağırışların öhdəsindən gəlmək üçün mübarizə aparıb və əməkdaşlıq edib. Bundan əlavə, səfirlik bəyan edib ki, Amerika məktəblərində rus ədəbiyyatı tədris olunur və əsərlər (teatr tamaşaları nəzərdə tutulur) ABŞ-ın ən nüfuzlu mədəniyyət müəssisələrində ifa olunur.

Sonda deyilir ki, iki ölkənin ortaq mədəniyyəti və ümumi nailiyyətləri var.

“Biz baş verənlərin sizə layiq olmadığına inanırıq və daha dinc gələcək yaratmaq üçün səy göstərən hər birinizlə həmrəyik”, - deyə məlumatda bildirilir.

Bu sətirlərdə videoda Ukraynadakı hərbi münaqişədən və Rusiya şəhərlərindəki etiraz aksiyalarından kadrlar görünür.

Səxavət