Nida Xəbər

Komissarlarını da götürüb Kiyevə gəldi

2 Fevral 2023 14:40

Avropa Komissiyasının rəhbəri Ursula fon der Lyayen, Avropa İttifaqının xarici siyasət xidmətinin rəhbəri Jozep Borrell və 14 Avropa komissarı fevralın 3-də keçiriləcək Aİ-Ukrayna sammiti ərəfəsində Ukrayna hökuməti ilə görüşmək üçün Kiyevə gəliblər.

Publika.az xəbər verir ki, xanım fon der Lyayen bu haqda "Tvitter"də yazıb.

“Rusiya müdaxiləsindən sonra dördüncü dəfə Kiyevə gəlmək çox xoşdur. Bu dəfə mənim komandamdakı komissarlarımla birlikdə. Biz Aİ-nin Ukraynanı dəstəkləməkdə həmişəkindən daha güclü olduğunu göstərmək və dəstəyimizi və əməkdaşlığımızı daha da dərinləşdirmək üçün burdayıq”, - Aİ rəhbəri qeyd edib.

Avropa Komissiyasının rəhbəri və cənab Borreldən başqa komissiyanın vitse-prezidentləri Marqrete Vestaqer, Valdis Dombrovskis, Maroş Şefçoviç, Vera Yurova və Marqaritis Sxinas, həmçinin doqquz Avropa komissarı da bu gün Kiyevə gəliblər. Bu barədə isə Avropa hakimiyyət orqanı məlumat yayıb.

Səxavət