Nida Xəbər

Mirzoyandan açıqlama: “Biz Ermənistan mallarının Azərbaycan ərazisindən..."

9 Dekabr 2024 21:35

Ermənistanın xarici işlər naziri Ararat Mirzoyan Ermənistan-Azərbaycan sərhədinin delimitasiyası prosesində irəliləyiş olduğunu bildirib.

Publika.az xəbər verir ki, o, bu barədə “Lännen Media” informasiya agentliyinə müsahibəsində danışıb.

“Sərhəd var və biz onun harada olduğunu bilirik. Bu, 1991-ci il Alma-Ata Bəyannaməsi ilə müəyyən edilir. Təbii, iki ölkənin komissiyaları gələcək delimitasiya və dəqiq demarkasiya üzərində birgə işləməlidir, sərhədin demarkasiyası gələcək sabitliyin təminatıdır”, - Mirzoyan qeyd edib.

Kommunikasiyaların açılması məsələsinə toxunan Mirzoyanın sözlərinə görə, Ermənistan və Azərbaycan hər iki tərəf üçün məqbul olacaq qərarlara gələ bilərlər: “Biz Ermənistan mallarının Azərbaycan ərazisindən və əksinə, Azərbaycan mallarının Ermənistan ərazisindən tranzitini təşkil edə bilərik. Birinci mərhələdə dəmir yolu tranzitini bərpa edə və onu tədricən genişləndirə bilərik”.