Təyyarə qəzasını araşdıran komissiyanın iclası keçirildi: bu işlər görüləcək - FOTO

Qazaxıstanın nəqliyyat naziri Marat Karabayev Bakı-Qroznı təyyarəsinin qəzasını araşdırmaq üçün gələn 17 beynəlxalq ekspertin iştirakı ilə görüş keçirib.

Publika.az xəbər verir ki, bu barədə Qazaxıstan Nəqliyyat Nazirliyinin mətbuat xidməti məlumat yayıb.

Karabayevin rəhbərlik etdiyi istintaq komissiyası qəzanın səbəbini müəyyən etməli və gələcəkdə oxşar hadisələrin qarşısının alınması üçün tövsiyələr hazırlamalıdır.

"Komissiya iş planını müəyyənləşdirdi. Belə ki, komissiya üzvləri hadisə yerinə baş çəkəcək, təyyarə elementlərinin toplanması üçün anqara baxış keçirəcək və təyyarə elementlərinin toplanmasına başlanma tarixi ilə bağlı birgə qərar qəbul edəcəklər”, - məlumatda deyilir.

Komissiya Baş nazirin müavini Kanat Bozumbayevin rəhbərlik etdiyi hökumət komissiyasının tərkibinə daxildir.

Xatırladaq ki, dekabrın 25-də Bakı-Qroznı istiqamətində uçan AZAL-a məxsus sərnişin təyyarəsi Aktau yaxınlığında qəzaya uğrayıb. Göyərtədə olan 67 nəfərdən 38-i ölüb, 29 nəfər sağ qalıb. İlkin məlumata görə, təyyarə Qroznı üzərində “Pantsir” raketinin hədəfinə tuş gəlib.

Qazaxıstanda hadisənin necə baş verdiyini tam aydınlaşdırmaq üçün komissiya yaradılıb. Təhqiqata 17 beynəlxalq ekspert cəlb edilib. İstehsalçı şirkətdən (Embraer) 2 nəfər, Azərbaycandan isə 6 nəfər ekspert komissiyanın işində yer alır.

Akqabay