Region

Ermənistanda mənzil bazarı: Görün evlər neçəyədir

29 Dekabr 2025 13:07

Ermənistan Mərkəzi Bankı ölkədə daşınmaz əmlak bazarında qiymət dəyişikliklərinin dinamikasını əks etdirən yeni statistik göstəriciləri açıqlayıb.

Publika.az xəbər verir ki, bununla əlaqədər olaraq Yaşayış Daşınmaz Əmlak Qiymət İndeksi (YDAQ) dərc edilib.

Qeyd edək ki, kadastr indeksi Ermənistan Kadastr Komitəsi tərəfindən qeydiyyata alınan bazar əməliyyatları haqqında məlumatlar əsasında rüblük olaraq hesablanır.

2025-ci ilin üçüncü rübündə yaşayış daşınmaz əmlakının qiymətləri ötən ilin eyni rübü ilə müqayisədə 5,5%, əvvəlki rüblə müqayisədə isə 1,9% artıb. Xüsusilə, mənzillərin qiymətləri eyni dövrdə 2,0%, yaşayış evlərinin qiymətləri isə 18,6% artıb. 2025-ci ilin üçüncü rübündə Ermənistanda təxminən 215,1 milyard dram (564 milyon dollar) dəyərində 7113 yaşayış daşınmaz əmlakının alqı-satqı əməliyyatı həyata keçirilib.

Qeyd edək bu rəqəmlərə əsasən demək olar ki, Ermənistanda bu il bir mənzilin qiyməti orta hesabla 79 min dollar civarında olub.

Adəm