Neft 57 dollar oldu

Brent markalı neftin qiyməti dünya birjasında yenidən 57 dollara yüksəlib.

Publika.az xəbər verir ki, “qara qızıl”ın qiymət artımı 3,5 faiz təşkil edib. WTI markalı neftin bareli isə 50 dollara yüksəlib. Onu da bildirək ki, son iki həftədə neft təxminən 11 dollar bahalaşıb. Qiymət artımı investorların mənfəətinin artması ilə izah edilir.

Xatırladaq ki, neftin qiyməti 2014-cü ilin payızından düşməyə başlayıb. 110 dollar təşkil edən neft bir neçə ayda 40 dollara endi. Qiymət ucuzlaşmasının əsas səbəbi kimi isə Amerika, Liviya və İraqın hasilatı artırmaları gətirilir. Xüsusilə belə məqamda Səudiyyə Ərəbistanının hasilatı azaltmaması prosesi sürətləndirdi.

İqtisadiyyat şöbəsi