Pentaqonun gizli UNO proqramının ƏN QƏRİBƏ KƏŞFLƏRİ

ABŞ Müdafiə Nazirliyinin (Pentaqon) Uçan Naməlum Obyektlərin araşdırılması üçün 2007-ci ildə tərtib etdiyi gizli bir proqramın hələ də davam etdirildiyi ortaya çıxıb.

Publika.az xəbər verir ki, proqram çərçivəsində hərəkət edən ABŞ ordusu olduqca sürətli naməlum obyektlərə rast gəlib.

2012-ci ildə başa çatdığı bildirilsə də, proqramın hələ də davam etdiyi iddia edilir. 22 milyon dollar büdcəsi olan proqram çərçivəsində əldə edilən bilgilər isə sirr olaraq saxlanılır. Yalnız gizliliyi ləğv edilən bəzi sənədlər “Nyuzvik” dərgisində çap edilir. Bu bilgilərdən bəzilərini təqdim edirik.

Las veqasdakı sirli bina

Las Veqas şəhərindəki bir bina naməlum uçan obyektdən gələn müxtəlif materiallar vasitəsilə istifadə üçün yararlı hala gətirilib. Binanın bir bölməsi fiziki və psixoloji dəyişikliyə uğradığı iddia edilən insanların analizi üçün istifadə edilib.

San Dieqodakı oval cisim

Pentaqon gizli proqrama başlamazdan öncəki kəşfləri də nəzərə alıb və hərbi təyyarələr tərəfindən qeydə alınan görüntüləri analiz edib. Bunlar arasında 2004-cü ildə San Dieqo şəhərində rast gəlinən oval, parlaq bir cismin görüntülərinə rast gəlinib. UNO-nun izinə düşən qırıcıların pilotları cismin gözləniləndən böyük olduğunu deyiblər.

Real görüntülər

2004-cü ildə iki ədəd F/A-18 Super Hornets qırıcı təyyarəsi tərəfindən San-Dieqo sahillərində keçirilən əməliyyat zamanı UNO-ların real görüntüləri əldə edilib.

Zümrüd