Komadan ayılan qadın mələk gördü, ana dilini unutdu - ““Paralel dünya”ya düşmüşdüm”

Üç gün komada qalan amerikalı qadın mələk gördüyü barədə danışıb.

Publika.az xəbər verir ki, onun sözlərindən “The Sun” nəşri sitat gətirib.

45 yaşlı Vanya Valtriani ailə məclisi zamanı özünü narahat hiss edib. Xəstəxanada ona insult diaqnozu qoyublar və təcili əməliyyatdan sonra həyat yoldaşına pasiyentin sağ qalmaq şansının həddindən artıq az olduğunu bildiriblər.

Qadını üç günlük komaya vəziyyətinə salıblar. Onun sözlərinə görə, bu an o, “Paralel dünya”ya düşüb. Əvvəlcə o, 16 il əvvəl xərçəng səbəbi ilə dünyasını dəyişmiş atasılə görüşüb. Valtrianinin sözlərinə görə, atasının siması hüzur, sevgi və sakitliklə dolu idi.

Tezliklə qadın həyata qayıdıb, lakin gözlərini açanda mələk görüb.

“O, uca boylu idi, şabalıdı saçları və heyranedici qəhvəyi gözləri var idi”, – deyə nəşrdə bildirilir.

Mələk pasiyentə hər şeyin yaxşı olacağını bildirib və yoxa çıxıb, onun getməsi ilə ağrı da yox olub. Bundan əlavə, qadın öz ana dilini – portuqal dilini xatırlaya bilməyib. O, ətrafdakılarla yalnız ingilis dilində ünsiyyət qurub, unutduqlarını isə tədricən bərpa edib.

Valtriani sözlərinə görə, bu görüş onun həyatını və xarakterini dəyişib.

Hüseyn İbadlı