Balınindən dolların məzənnəsi ilə bağlı SEVİNDİRİCİ XƏBƏR

"2026-cı ildə dolların məzənnəsi 70 rubldan, avronun isə 80 rubldan aşağı düşə bilər".

Publika.az xəbər verir ki, bu proqnozu Gazeta.ru-ya Rusiya hökumətinə bağlı Maliyyə Universitetinin dosenti, iqtisad elmləri namizədi İqor Balınin təqdim edib.

O bildirib ki, rublun möhkəmlənməsi strategiyası informasiya təzyiqindən asılı olmayaraq 2026-cı ildə davam etdiriləcək.

Ekspertin sözlərinə görə, rublun möhkəmlənməsini aşağıdakı amillər dəstəkləyəcək:

• Rusiyalıların ABŞ dollarına etimadsızlığı və onu düşmən valyuta kimi qəbul etməsi;
• Əmanətləri rubl ilə saxlamaq istəyinin güclənməsi;
• Turistik səfərlərdə Rusiya daxilinə və dost ölkələrə üstünlük verilməsi;
• İdxal əvəzetməsi siyasəti və Rusiyanın maliyyə və texnoloji suverenliyinin təminatı.

Balınin həmçinin rusiyalılara portfellərində xarici valyutadan imtina etməyi tövsiyə edib: bu həm daha etibarlı, həm də daha sakit maliyyə strategiyası hesab olunur.

Ekspertin fikrincə, hazırda ən sərfəli maliyyə aləti bank əmanətidir. Mövcud təkliflər illik 15-16% gəlir təmin edir. Orta səviyyəli əmanət (təxminən 663 min rubl) ilə aylıq gəlir təxminən 8,3 min rubl təşkil edə bilər.

Məlumata görə, 30 dekabr 2025‑ci il tarixində dolların məzənnəsi 1 ABŞ dolları üçün təxminən 79,50 rubla, avronun məzənnəsi isə 1 avro üçün təxminən 93,39 rubla bərabər olub. Bu göstəricilər Rusiya valyuta bazarındakı rəsmi məlumatlara əsaslanır

Hüseyn İbadlı