Ermənilər İlham Əliyevin onların prezidenti olmasını istəyir - FOTO/VİDEO

09:37

“Nə qədər təəccüblü olsa da, mən azərbaycanlıların yerində olmaq istəyirəm. İstəyirəm ki, ölkəmin rəhbəri əlini masaya vurub "bizimdir" desin. İlham Əliyev kimi liderimin olmağını istəyirəm”.

Publika.az xəbər verir ki, bu barədə erməni jurnalist Zara Marqaryan “Hraparak” nəşrində dərc olunan məqaləsində yazıb.
Marqaryan qeyd edir ki, o, ölkəsinin Ceyhun Bayramov kimi təcrübəli diplomatının olmasını istəyir.

“Diplomatlarımızın Bayramov kimi olmasını istəyirəm. İstəyirəm ki, 3 dili mükəmməl bilən liderim olsun. İstəyirəm ki, saxta hesablarındakı gözəl qız şəkilləri ilə düşməndən gizli məlumatları əldə edən oğlanlarımız olsun (Azərbaycan kəşfiyyatından bəhs edir-red).

İstəyirəm, müharibə zamanı heç bir dəstəyi əsirgəməyən strateji tərəfdaşım (Türkiyə-red) olsun. İstəyirəm ki, ölkəmin rəhbəri danışıqlarda düşməni ələ salsın, onu alçaltsın, məğlubiyyətini üzünə vursun. İstəyirəm ki, ölkəmin birinci xanımı badımcan şorbası bişirməsin, həyat yoldaşı ilə Şuşada cəsarətlə dayanıb festivalların açılışını etsin”, - erməni jurnalist yazır.

Və Azərbaycanın Prezidenti İlham Əliyev olduğu üçün azərbaycanlıların yerində olmaq istədiyini qeyd edir.

Asif