Araik və Ruben ermənilərə divan tutur: Bakı Xankəndiyə müdaxilə edə bilər - VİDEO

Qarabağ ətrafında “humanitar yardım” və “humanitar fəlakət” şousu davam edir: Ermənistan sərhədə yük toplayaraq, “yardım” şousu düzəldib, separatçılar isə Xankəndidə bu şounu davam etdirirlər;

Publika.az xəbər verir ki, erməni mənbələrində separatçı rejimin bu şousunu ifşa edən məlumatlar yayılır.

Birincisi, süni şəkildə qıtlıq yaradır, ərzaqları gizlədərək, boş piştaxtaları nümayiş etdirir və beləliklə “aclıq”, “fəlakət” görüntüləri sərgiləyir;
İkincisi, “humanitar yardım” adı altında aldıqları malları Qarabağdakı erməni əhalisinə baha qiymətə satır, külli miqdarda pul qazanırlar.

Erməni bloqer Roman Baqdasaryan separatçıların əhaliyə tutduğu divan haqda çıxış edib. Bildirib ki, “siqaret qıtlığı” yaradılıb, halbuki, siqaretlər gizlədilir.

“Vitali Balasanyan həbs edldi, sonra buraxıldı. Mən dəqiq bilirəm ki, Balasanyanın əlində humanitar yardım olaraq gələn 50 min qutuya yaxın siqaret var. Bunlar 900 drama satılır. Halbuki, hamısı pulsuz gəlib. Siqareti çıxarın, camaata verin. Araik, niyə problem yaradırsınız? Çoxlu siqaretiniz var, çıxarın paylayın”, - o deyib.

Əlavə edib ki, separatçı rejimin rəhbərliyi süni şəkildə “aclıq” yaradır: “Qarabağda bütün kəndlər ərzaqla doludur. Aclıq yoxdur. Aclığı süni şəkildə yaradırlar. Çünki iki əclaf – Araik Arutyunyan və Ruben Vardanyan bu məhsulları kəndlərdən Xankəndiyə gətirmək üçün Ermənistandan alıdıqları milyardlarla dram dəyərindəki benzinin pullarını mənsiməyib, ona görə də gətirmək müşkülə çevrilib. Araik, indi təzə kartof, taxıl yoxdur?! Kimi aldadırsan?!”

Separatçıların erməni əhalisinə divan tutduğu sirr deyil, Baqdasaryanın dedikləri, eləcə də digər erməni mənbələrində yayılan məlumatlar bunu bir daha təsdiq edir. Bu vəziyyət Azərbaycanın erməni vətəndaşlarının xilası naminə proseslərə müdaxiləsini zərurətə çevirir.

Asif