Bakının ermənilərə müraciəti - Xankəndidə separatçılar qorxuya düşdü

Xankəndidəki separatçılar erməni əhalisini reinteqrasiyadan uzaqlaşdırmaq məqsədilə yeni təbliğata başlayıb.

Publika.az xəbər verir ki, separatçılar erməniləri Azərbaycanın vədlərinə inanmamağa çağırıb.

İddia edirlər ki, sosial şəbəkələrdə Azərbaycanın erməni əhalisinə vədləri yayılıb: vətəndaşlığı qəbul edəcəkləri təqdirdə hüquqlarının müdafiə edilməsi, yüksək maaşla təminat və s;

Azərbaycan tərəfindən bu haqda hər-hansı rəsmi məlumat yoxdur, separatçıların bu iddianı ortaya atmasının səbəbi isə erməni əhalisi arasındakı müzakirələrdir. Məlumatlara görə, ermənilər Azərbaycan vətəndaşlığını qəbul edəcəkləri təqdirdə onları gözləyən gələcəklə bağlı müzakirələr aparır. Belə müzakirələrdən qorxuya düşən separatçılar onları “inanmamağa” çağırır.

Rəsmi Bakı erməni əhalisinin hüquq və təhlükəsizliyinin təmin ediləcəyinə beynəlxalq səviyyədə zəmanət verib. O cümlədən, erməni əhalisinin Azərbaycan vətəndaşlığını altında daha yaxşı yaşayacağı haqda dəfələrlə açıqlamalar verilib. Lakin konkret proqram açıqlanmayıb. Separatçıların iddiaları Qarabağdakı mövcud əhval-ruhiyyədən qaynaqlanır.

Asif