Qarabağ

Anklavlar, dəhliz və Qərbi Azərbaycan... - erməni terrorunun ideoloqları qorxu içində

27 Noyabr 2023 09:22

Bölgədə mövcud vəziyyət, xüsusilə Azərbaycanın güclü mövqeyi və Prezident İlham Əliyevin milli maraqlarda prinsipiallığı erməni millətçiliyinin mərkəzi olan kilsəni də qorxuya salıb.

Publika.az xəbər verir ki, daim terroru, işğalı dəstəkləyən erməni keşişlər baş verəcəklər haqda danışmağa başlayıblar.

Ermənistanın Şirak yeparxiyasının rəhbəri, yepiskop Mikael Acapaxyan bildirib ki, Bakının tələbləri getdikcə sərtləşəcək.

“Anklavların qaytarılması, dəhlizin açılması, azərbaycanlıların Qərbi Azərbaycana qayıtması və s. Bütün bunlar Əliyevin Paşinyandan tələb etdiyi məsələlərdir”, - o iddia edib.

Erməni keşiş qeyd edib ki, bu vəziyyətdən çıxış yolu yoxdur: “İndi heç nə etmək mümkün deyil. Çıxış yolu nəzəri cəhətdən yalnız güclənmək, qonşulardan daha güclü orduya sahib olmaqdır. Bu mümkün görünə bilər, lakin real deyil”.

Asif