Xankəndinin komendatı olacağı deyilən erməni həbs edildi - DETALLAR

Xankəndidə qaldığı deyilən və şəhərin komendantı təyin ediləcəyi iddia olunan Sarqis Qalstyan Gorusda həbs olunub.

Publika.az xəbər verir ki, ermənilər Qarabağdan kütləvi şəkildə çıxdıqdan sonra S.Qalstyanın Xankəndidə qaldığı deyilirdi. Onun Xankəndinin komendantı təyin olunacağı haqda da məlumatlar yayılmışdı. Lakin bu məlumatların heç biri təsdiqini tapmadı.

Ermənistan mediası iddia edir ki, S.Qalstyan ötən gün Ermənistana qayıdıb və Gorusda erməni xüsusi xidmət orqanları tərəfindən saxlanılıb.

“Milli Təhlükəsizlik Xidmətindən bu məlumatı dəqiqləşdirməyə çalışdıq, lakin ənənəvi olaraq, yazılı sorğu göndərilməsini istədilər. Qalstyanın Ermənistanda yaşayan qohumlarından onun qayıdıb-qayıtmadığını öyrənmək istədik. Qohumları məlumatı nə təkzib, nə təsdiq etdilər. Üstəlik bizdə belə bir məlumatın olmasından təəccübləndilər. Onda anladıq ki, Qalstyan Ermənistandadır və ola bilsin ki, bu gün onunla bağlı istintaq aparılsın”, - “mediahub” yazıb.

Asif