Qarabağ
Xankəndidə ailəsi ilə birgə yaşamaq istəyən tələbələrin nəzərinə!
Tələbələrimiz universitetimiz tərəfindən mənzil tipli yataqxanalarla təmin olunacaqlar. Bu, yalnız tələbələrin yaşayışı üçün nəzərdə tutulan imkanlardır.
Publika.az xəbər verir ki, bunu Qarabağ Universitetinin rektoru Şahin Bayramov Elm və Təhil Nazirliyinin qəzetinə müsahibəsində deyib.
O bildirib ki, valideynlərinin tələbələri müşayiət etməsi, istədikləri zamanlarda gəlib onlarla zaman keçirməsi ilə bağlı hər hansı bir problemimiz yoxdur.
"Yəni, ölkəmizin digər şəhərlərində təhsil alan tələbələrin valideynləri öz övladları ilə hansı formada təmaslarda olursa, eyni imkanlar Xankəndi şəhərində də yaradılacaq. Həmçinin valideyn tələbə övladının təhsil aldığı şəhərdə gedib yaşamaq imkanlarını nəzərdən keçirə bilər. Artıq bu həmin valideynin fərdi qaydada verəcəyi qərardır", - rektor vurğulayıb.
Şahin Bayramov vurğulayıb ki, 44 günlük Vətən müharibəsində və birgünlük antiterror tədbirlərində Azərbaycan dövləti bütün dünyaya gücünü göstərib:
"Hazırda Xankəndidə təhlükəsizlik baxımından da bütün imkanlar formalaşdırılıb. Dövlətimizin müvafiq qurumları bununla bağlı zəruri olan bütün tədbirləri həyata keçiriblər. Qarabağ Universitetində təhsil alacaq gəncləri və onların valideynlərini əmin edirik ki, Xankəndi şəhərində, bütövlükdə Qarabağda təhlükəsizliklə bağlı məsələlər dövlətimiz tərəfindən ən yüksək səviyyədə təmin olunur.
Eyni zamanda universitetimizin tədris binalarında, tələbələrimizin və əməkdaşlarımızın yaşayacağı yaşayış binalarında da universitet tərəfindən müvafiq təhlükəsizlik mexanizmi hazırlanıb və uğurla reallaşdırılacaq".
-
Magazin122:12
"Yataqxanada qalırdım, amma ən son model maşınları sürürdüm" - Zamiq Hüseynov - VİDEO
-
Dünya21:11
Canlı efirdə zəlzələ: Maya Sandunun çətin anları - VİDEO
-
Magazin120:40
Naomi Kempbell Bakı səfəri barədə PAYLAŞIM ETDİ
-
Kriminal20:30
İki yaşlı körpə soğan tarlasında ölü tapıldı - Daha bir qətl?
-
Nəqliyyat19:50
Bakı sakinlərinə pis xəbər: Aylarla davam edəcək...
-
Kriminal19:15
Keçmiş deputata 9 il həbs cəzası istənildi
-
Ekologiya18:43
Bu günlərdə ehtiyatlı olun! - Əhaliyə XƏBƏRDARLIQ
-
Sosial17:10
Deputat seçilən Günay Ağamalı bağçasını bu qiymətə satır