Ərdoğan Bakı və İrəvanın sülh uğrunda səylərini yüksək qiymətləndirdi
Bizi izləyin

Qarabağ

Ərdoğan Bakı və İrəvanın sülh uğrunda səylərini yüksək qiymətləndirdi

Ərdoğan Bakı və İrəvanın sülh uğrunda səylərini yüksək qiymətləndirdi

Türkiyənin hakim Ədalət və İnkişaf Partiyasının (AKP) sözçüsü Ömər Çelik mətbuat konfransı zamanı İstanbulda keçirilən "3+3" regional məsləhət platformasının toplantısına toxunub.

Publika.az-ın əldə etdiyi məlumata görə, o qeyd edib ki, Azərbaycan, Ermənistan, İran və Rusiya xarici işlər nazirləri platforma çərçivəsində Türkiyədə olublar.

Çelik qeyd edib ki, Türkiyə prezidenti Rəcəb Tayyib Ərdoğanın qəbul zamanı qaldırdığı mövzular Cənubi Qafqazda sülhün bərqərar olması baxımından son dərəcə əhəmiyyətlidir.

“Prezidentimiz onların Ermənistanla Azərbaycan arasında sülhün bərqərar olması istiqamətində gördüyü işləri yüksək qiymətləndirib. Bundan əlavə, o qeyd edib ki, Gürcüstanın platformaya qoşulması həm də Qafqazda sülh nöqteyi-nəzərindən vacibdir”, - deyə spiker vurğulayıb.

Çelikin sözlərinə görə, qəbul zamanı aydın olub ki, Türkiyə Qafqazda sülhün əldə olunmasında əsas rol oynayan ölkədir.

Adəm Abbaslı

Oxumağa davam et
Reklam
Reklam

Gündəm

Zəfaran Hospital
Səba