• USD 1,7000 0,00% EUR 2,0272 +0,13%
    • GBP 2,2760 +0,20% RUB 0,0225 0,00%

Səttar Mehbalıyevin yubileyinə

Səttar Mehbalıyevin yubileyinə

Səttar Mehbalıyev Azərbaycan Həmkarlar hərəkatının patriarxıdır. Bu gün onun 60 yaşı tamam olur. Həmkarlar İttifaqında isə 35 ildir. 1992-ci ildən isə ölkənin həmkarlar ittifaqlarının milli orqanı olan Azərbaycan Həmkarlar İttifaqları Konfederasiyasına rəhbərlik edir.

Azərbaycan Respublikasında həmkarlar hərəkatının inkişafında səmərəli fəaliyyətinə görə “Azərbaycan Respublikası Prezidentinin fəxri diplomu” ilə təltif edilməsi ilə bağlı Prezident tərəfindən imzalanmış sərəncam onun bu sahədə uzunmüddətli və səmərəli fəaliyyətinə verilən yüksək qiymətdir.

Mən onu Avtomobil Nəqliyyatı İşçilərinin Həmkarlar İttifaqı Respublika Komitəsinin sədri olandan tanıyıram. Heç vaxt fəhlənin haqqını və mənafeyini işəgötürənin ayağına verməyib. Nə imkan olubsa, onu da edib. Onun təşəbbüsü ilə 1994-cü ildə “Həmkarlar İttifaqları haqqında” Qanun qəbul edildi. Sonradan həmin qanuna və Əmək Məcəlləsinə işçilərin hüquqlarının daha yaxşı təmin olunmasına yönələn xeyli əlavələr və dəyişikliklər onun tərəfindən hazırlanaraq Milli Məclisə təqdim edildi.

Təəssüf ki, işəgötürənlərin, xüsusən də transmilli şirkətlərin və yerli şirkətlərin işçilərə qarşı törətdikləri qanunsuzluqların qarşısını almaq heç də həmişə mümkün olmur. Həmkarlar İttifaqları yalnız üzvlərini müdafiə edə bilirlər və buna səlahiyyətləri çatır. Özəl sektorda isə işəgötürənlər həmkarlar ittifaqlarının yaranmasına bacardıqları qədər müqavimət göstərir.

Səttar Mehbalıyev indiki vəzifəsinə həmkarlar ittifaqları üçün çox ağır olan bir dövrdə gəldi. Hamımız fikirləşirdik ki, bacarmayacaq. Həmin vaxt Həmkarlar İttifaqı dağılmaq ərəfəsində idi. Azərbaycan Həmkarlar İttifaqları Şurasının binası qanunsuz olaraq Xarici İşlər Nazirliyinə verilmişdi. Lakin Səttar Mehbaliyevin prinsipial mövqeyi nəticəsində o binanı Həmkarlar İttifaqlarından almaq mümkün olmadı.

Sonrakı dövrlərdə də Həmkarlar İttifaqlarına məxsus mülkiyyətin, xüsusən də tibbi və reablitasiya məqsədli obyektlərin Azərbaycan Həmkarlar İttifaqları Konfederasiyasından (AHİK 5-6 fevral 1993-cü ildə Azərbaycan Həmkarlar İttifaqlarının qurultayında təsis edilib. Azərbaycan Həmkarlar İttifaqları Şurasının varisidir) almaq cəhdləri olub.

Bu gün sıralarında 1,6 milyon üzvü birləşdirən bir qurum olaraq fəaliyyətini davam etdirən Azərbaycan Həmkarlar İttifaqları Konfederasiyasının qarşısında yeni çağırışlar var. Dünyanı bürüyən iqtisadı böhran ölkəmizdən yan keçsə də, neftin qiymətinin aşağı düşməsi, işəgötürənlərin artan müqaviməti həmkarlar ittifaqlarının üzərinə yeni vəzifələr qoyur.

Səttar Mehbalıyevin 60 yaşı tamam oldu. Onu yubiley münasibəti ilə təbrik etməklə yanaşı, çətin və şərəfli fəaliyyətində uğurlar arzu edirəm.

Sahib Məmmədov

Halal Nemət

Xəbər lenti

DAHA ÇOX XƏBƏR