Qırmızı.az

Bu yol 2 gün bağlı olacaq

11 Dekabr 2015 18:22

Dekabr ayının 12-dən etibarən Bülbül küçəsinin Xaqani və Zərifə Əliyeva küçələrinin kəsişmələri arasında yol asfalt örtüyünün təmiri ilə əlaqədar bağlanacaq.

Publika.az xəbər verir ki, Avropa Qran-prisinin Azərbaycandakı təşkilatçısı Bakı Şəhər Halqası (Baku City Circuit) gələn il iyun ayında keçiriləcək "Formula 1" yarışı ilə bağlı hazırlıq işlərini həyata keçirir. Avtomobillərin hərəkətinə qoyulacaq məhdudiyyətlər artıq dekabr ayının 13-dən 14-nə keçən gecə, bazar ertəsi aradan qaldırılacaq.

Xatırladaq ki, yarışdan öncə salınacaq və "Formula 1" yarışı standartına cavab verən yenilənmiş yollar daimidir və qran-pridən sonra paytaxt sakinlərinin istifadəsində olacaq.

Gülnar Əliyeva