Yasamalda iki yol bağlanır

Yasamal rayonunda iki küçə təmirə bağlanır.

“Azəryolservis” ASC-nin mətbuat xidmətindən Publika.az-a verilən məlumata görə, yenidən qurulmasına başlanılan küçələr Balababa Məcidov və Abdulla Şaiq küçələridir.

Balababa Məcidov küçəsinin yenidənqurulan ərazisi Cəfər Cabbarlı küçəsi ilə Nəriman Nərimanov prospektləri arasında yerləşən təqribən 560 metrlik hissəsidir, Abdulla Şaiq küçəsinin isə təmir-tikinti işlərinin aparıldığı ərazisi Balababa Məcidov və Mirzağa Əliyev küçələri arasında yerləşən təqribən 635 metrlik hissəsidir.

Hər iki küçədə mövcud olan təqribən 8-9 metrlik yolun eni genişləndirilərək 15 metrə çatdırılması planlaşdırılır. Bu səbəbdən yolun hərəkət hissəsinə düşən yaşayış və qeyri-yaşayış sahələrinin sökülməsi işləri aparılır. Bununla paralel olaraq köhnə asfalt-beton örtüyü də qaşınaraq, ərazidən daşınır. Ümumilikdə Balababa Məcidov və Abdulla Şaiq küçələrinin təqribən 18 min kvadratmetr sahəsinə yeni asfalt-beton örtüyü döşənəcək.

Təmir işlərinin yüksək keyfiyyətlə aparılır və vaxtında yekunlaşdırılması üçün əraziyə lazımi sayda canlı qüvvə və texnika cəlb olunub.

Gülnar Əliyeva