Qırmızı.az
Erməni təxribatının nəticələri: Ağdamda 8 ev tam dağıdılıb, onlarla ev ziyan çəkib
Erməni silahlı birləşmələrinin cəbhə xəttində törətdiyi təxribat nəticəsində Ağdam rayonuna dəymiş ziyan müəyyənləşdirilir.
Bu barədə Trend-ə Ağdam rayon İcra Hakimiyyətinin başçısı Raqub Məmmədov bildirib.
İcra başçısı deyib ki, dünən Azərbaycan və Ermənistan arasında hərbi əməliyyatların dayandırılması ilə bağlı razılıq əldə ediləndən sonra rayona dəymiz ziyanın müəyyənləşdirilməsinə başlanıb: "Hazırda komissiya ərazidədir və əhaliyə, evlərə dəymiş ziyanın məbləği müəyyənləşdirilir. Komissiya ziyanı müəyyənləşdirəndən sonra nəticələr aidiyyəti qurumlara göndəriləcək".
İcra başçısı qeyd edib ki, erməni silahlı birləşmələrinin təxribatı zamanı Ağdam rayonu ərazisində 8 ev təmamilə dağılıb: "Bu hadisələrdə ziyan çəkən evlərin sayı daha çoxdur və hazırda həmin evlərin siyahısı və vəziyyəti ilə bağlı məlumatlar hazırlanır. Bütün ziyan çəkən evlərin foto və video çəkilişləri aparılır. Materiallar toplanandan sonra akt tərtib ediləcək və müvafiq qurumlara müraciət olunacaq".
R.Məmmədov deyib ki, erməni təxribatları nəticəsində kəndlərin sıradan çıxan elektrik enerjisi və qaz xətləri isə tam bərpa olunub, bütün kəndlər fasiləsiz elektrik enerjisi və qazla təmin edilib.
İcra başçısı bildirib ki, aprelin 2-dən 5-dək cəbhə xəttində erməni hərbi birləşmələrinin törətdiyi təxribat nəticəsində 1 nəfər mülki şəxs həlak olub. Həmin şəxs ermənilərin atdığı mərminin məscidə düşməsi nəticəsində həlak olub: "Mərmi rayonun Əhmədağalılar kəndindəki məscidə düşüb və orada olan kənd sakini, 1954-cü il təvəllüdlü Dadaşov Qaraş Şahlar oğlu aldığı xəsarətdən hadisə yerində dünyasını dəyişib. Erməni təxribatı nəticəsində Ağdam rayonundan 7 mülki şəxs isə müxtəlif bədən xəsarətləri ilə xəstəxanalara yerləşdirilib".
-
Magazin207:25
İlhan Mansız azərbaycanlı xanımından olan övladının üzünü ilk dəfə göstərdi - FOTO
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan