Qırmızı.az

"Elektron imza"dan istifadə sayı 13 milyonu ötdü

4 İyun 2016 12:15

Bu il iyunun 1-dək dövlət qurumları üzrə 59100, fiziki şəxslər üzrə 16120, hüquqi şəxslər üzrə isə 15310 “elektron imza” sertifikatı verilib. Ümumilikdə isə bu günə qədər Milli Sertifikat Xidmətləri Mərkəzinin təqdim etdiyi “e-imza” sertifikatlarının sayı 90530-a çatıb.

Publika.az-ın Məlumat Hesablama Mərkəzinə istinadən verdiyi xəbər görə, 2016-cı ilin may ayı ərzində istifadəyə verilən “elektron imza” sertifikatının sayı 2792 təşkil edib. Onlardan dövlət qurumları üzrə 2318, fiziki şəxslər üzrə 46, hüquqi şəxslər üzrə isə 428 “e-imza” sertifikatı istifadəyə verilib.

Onu da qeyd edək ki, "Elektron hökumət" portalının autentifikasiya vasitələrindən biri sayılan “elektron imza” vasitəsilə 1 iyun 2016-cı il tarixədək həyata keçirilən sənəd imzalama və autentifikasiya tranzaksiyalarının toplam sayı dövlət qurumları tərəfindən 11 095 046, hüquqi və fiziki şəxslər tərəfindən isə 2 411 725 olmaqla ümumən 13 506 771 olub.

Gülxar