Qırmızı.az
Şəmkir davasının təfərrüatları: gəlin və qardaşları qayınatanı döyüb (YENİLƏNİB - 2)
Şəmkir rayon Polis idarəsinin təhqiqat bölməsinin rəisi Vaqif Heydərov Publika.az-a açıqlamasında məlumatı təsdiqləyib.
Onun sözlərinə görə, iyunun 1-də Raul Kazımov atasının Saleh Nəsirov, İnsaf Nəsirov və Məryəm Nəsirova tərəfindən döyülməsi ilə bağlı müraciət edib. Bir neçə gün sonra qarşı tərəf R.Kazımov tərəfindən döyüldüyünü iddia edərək ərizə ilə müraciət edib. Lakin onların hadisədən bir neçə gün sonra müraciət etmələri işi bir az çətinləşdirir:
“Hər iki müraciət ekspertizaya təqdim edilib, bu barədə araşdırma aparılır. Ekspertizanın nəticəsi bəlli olandan sonra istintaq idarəsinə məlumat veriləcək. Sonrakı araşdırma isə onların nəzarətində olacaq”.
V.Heydərov bildirib ki, tərəflər arasında əvvəldən də məhkəmə iddiası var.
“Məryəm Nəsirova ilə Raul Kazımov ailəli olublar. Ötən ilin noyabr ayında ayrılıblar. Onların üç övladı olub. Ayrıldıqdan sonra uşaqlar ataları ilə birlikdə yaşayıblar. Lakin sonradan Məryəm övladlarını geri almaq istəyib. İyunun 1-də Məryəm və qardaşları yolda Raulun atası ilə qarşılaşıb, azyaşlı uşağı almaq istəyib, o isə razı olmayıb. Nəticədə, Məryəm və qardaşları onu döyüblər. Məryəm və qardaşları isə Raulun onları döydüyünü, uşaqları onlara vermədiyini iddia edir. Bu məsələ ilə bağlı məhkəmədə iş aparılır. Məryəm azyaşlı uşağın zorla alındığını bildirir, qarşı tərəf isə bu iddianı qəbul etmir. Uşaqlar azyaşlı olduğuna görə, məsələnin məhkəmə yolu ilə həll edilməsi ən yaxşı üsuldur”.
16:37
Şəmkir Rayon Polis Şöbəsindən Publika.az-a verilən məlumata görə, Raul Kazımov atasının döyülməsi ilə bağlı şöbəyə ərizə ilə müraciət edib. Müraciət əsasında istintaq aparılır.
Nazirlər Kabinetinin mətbuat xidmətindən isə Teyyub Nəsirovun həmin qurumda işləyib-işləməməsi ilə bağlı suala cavab olaraq bildirilib ki, məsələ ilə əlaqədar Nazirlər Kabinetinə rəsmi müraciət edilməlidir. Yalnız bundan sonra məsələ araşdırılacaq və məlumat veriləcək.
Gülxar
16:14
Nazirlər Kabinetində yüksək vəzifə tutan şəxsin övladları yaşlı kişini vəhşicəsinə döyüblər.
Hadisə iyunun 1-də Şəmkirdə baş verib. Məlumatı AzNews.az-a döyülən
şəxsin oğlu Raul Kazımov verib. Onun sözlərinə görə, 01.06.2014-cü
il tarixində Şəmkirdə onun azyaşlı övladlarının gözü önündə
valideynlərinə qarşı vəhşicəsinə hücum təşkil olunub: “Hücum
edənlər Nəsirov Saleh Teyyub oğlu, Nəsirov İnsaf Teyyub oğlu,
Nəsirova Məryam Teyyub qızı və Nəsirova Səbinədir. Bunlar Nazirlər
Kabinetində işləyən Teyyub Nəsirovun övladlarıdır. Onlar barəsində
artıq cinayət işi açılıb”.
Raul Kazımov hadisənin baş vermə səbəbləri barədə heç bir məlumat verməyib.
AzNews.az-ın araşdırması zamanı məlum olub ki, Teyyub Nəsirov
Nazirlər Kabnetində beynəlxalq əlaqələr şöbəsinin müdir
müavinidir.
Şəmkir rayon Polis idarəsinin təhqiqat bölməsinin rəisi Vaqif
Heydərov faktı AzNews.az-a faktı təsdiqləyib: “Hər iki tərəf Gəncə
sakinləridir. İndi iş bizdədir, təhqiqat aparılır. Məsələ ilə bağlı
Cinayət Məcəlləsinin 128-ci (Qəsdən adam döymə) maddəsi ilə cinayət
işi açılacaq”.
-
Magazin207:25
İlhan Mansız azərbaycanlı xanımından olan övladının üzünü ilk dəfə göstərdi - FOTO
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan