Bakı Su İnnovasiya Forumu keçiriləcək

Bu il ölkəmizdə ilk dəfə Bakı Su İnnovasiya Forumu (Water İnnovation Forum Baku) 17 may 2022-ci il tarixində Baku Marriott Hotel Boulevard-da keçiriləcək. Sudan səmərəli istifadə, bu sahədə optimal həll yolları və mütərəqqi texnologiyalardan istifadə, çirkab (tullantı) suların idarəedilməsi, təkrar emalı və ətraf mühitə təsirləri, suyun keyfiyyətinin idarəedilməsi, ölçü və nəzarət texnologiyaları mövzularına həsr edilmiş tədbirdə 200 nəfərdən çox yerli və xarici şirkət nümayəndələrinin iştirakı gözlənilir.

Publika.az xəbər verir ki, Forum ölkəmizdə sudan səmərəli istifadəni təşviq etmək, çirkab (tullantı) suların təkrar emalı vasitəsi ilə ətraf mühitə olan negativ təzyiqlərin (footprint) azaldılması, bu sahədə olan effektiv və mütərəqqi texnologiyaların öyrənilməsi, tətbiqi, o cümlədən dövlət və özəl sektorun sıx əməkdaşlığının möhkəmləndirilməsi istiqamətində yaradılmış müzakirə mühitindən ibarət olacaq.

“AquaLink” MMC-nin təşkilatçılığı, Nijhuis Saur Industries, “A. O. Smith” və “Hach” şirkətlərinin dəstəyi ilə keçiriləcək bu forumda 3 panel olmaqla, hər panel üzrə yerli və dünyanın aparıcı şirkətlərinin mütəxəssislərinin çıxış edəcəyi tədbirdə aidiyyəti dövlət qurumları, əlaqədar digər təşkilatlar, müvafiq sahədə fəaliyyət göstərən yerli və xarici şirkətlərin, o cümlədən bütün maraqlı tərəflərin iştirakı təşkil ediləcək.

Bundan əlavə, tədbir zamanı şirkətlərin öz məhsul və xidmətlərini sərgiləməsi üçün şərait yaradılacaq, tədbir iştirakçıları üçün fərqli aktivliklər təşkil ediləcək.

17 may 2022-ci il tarixində Baku Marriott Hotel Boulevard-da baş tutacaq və gün boyu (09:00-19:00) davam edəcək “Water İnnovation Forum Baku” tədbiri ilə bağlı daha ətraflı məlumat əldə etmək üçün tədbirin rəsmi saytı (www.wifbaku.az), sosial media hesablarını izləyə, həmçinin iştirak etmək üçün qeydiyyatdan keçə bilərsiniz. Forumda iştirak sayı limitli və ödənişsizdir.

Facebook: https://www.facebook.com/WIF-BAKU-112278001445464/?ref=pages_you_manage

Instagram: https://www.instagram.com/wifbaku/

Linkedin: https://www.linkedin.com/company/85098167/admin