Azərbaycanın ən xoşbəxt vətəndaşlarından biriyəm! - Vaqif Əsədovun MÜRACİƏTİ
Bizi izləyin

Qırmızı.az

Azərbaycanın ən xoşbəxt vətəndaşlarından biriyəm! - Vaqif Əsədovun MÜRACİƏTİ

Polis polkovniki Vaqif Əsədov onun təqaüdə getməsi ilə bağlı məlumat almaq istəyənlərin, çox sayda telefonla müraciət edənlərin, sosial şəbəkə vasitəsi ilə şərh yazanların, narahatçılıq hisslərini bildirən vətandaşların və ya yayılan informasiya ilə maraqlanan şəxslərə müraciət ünvanlayıb.

Bakı Şəhər Dövlət Yol Polisi İdarəsinin bölmə rəisi polis polkovniki Vaqif Əsədovun Publika.az vasitəsi ilə onun təqaüdə getməsi ilə bağlı məlumat almaq istəyən media mənsublarına, onu sevən insanlara müraciətini təqdim edirik:

“Salam, vaxtınız xeyir gününüz uğurlu olsun əziz dostlar, hörmətli KİV nümayəndələri, xanımlar və cənablar! Ötən gün mənə çox sayda telefon zəngləri, eləcədə KİV nümayəndələrinin sms vasitəsi ilə sualları daxil olub. Telefona və suallarınıza cavab verə bilmədiyimə görə üzürlü sayın, mənə və xidmətimə olan diqqət və qayğınıza, eləcə də informasiya almaq istəyinizə görə təşəkkürümü bildirir və təqdir edirəm!

Bəli, təqaüdə çıxmaq üçün “xidmətdə olmanın son yaş həddinə çatdığına görə” əmr imzalanıb və şəxsi heyətə elan edildi. Bununla əlaqədər rəhbərlik səviyyəsində şəxsi heyətlə birgə tədbir təşkil edildi və xüsusi olaraq mənim xidməti fəaliyyətim yüksək qiymətləndirildi. Düşünürəm ki, daim təmasda olduğum hərəkət iştirakçıları da öz fikirlərini paylaşarlar".

Polis polkovniki təqaüdə çıxması münasibəti ilə tanrıya təşəkkür də edib:

"Əlbəttə, Tanrıya şükürlər olsun ki, qismət oldu xidmətimi başa vurub təqaüdə çıxa bildim. Təbii ki, buna çox sevinirəm və bu sevinci mənə, ailəmə yaşadan DİN-in bütün rəhbərliyinə təşəkkürümü bildirirəm. Bu gün, Azərbaycan Respublikasının ən xoşbəxt vətəndaşlarından biriyəm desəm heç də yanılmaram. Çünki DİN rəhbərliyinin bundan sonra da mənə, həyat tərzimə olan diqqət və qayğısı, hətta ailə üzvlərimin belə nəzarətində olması bir daha DİN-nin əsgəri olduğumu, dövlətə və dövlətçiliyə daim vətəndaş kimi xidmət etməyimi qarşımda bir vəzifə olduğunu təsdiq etdi.

Fürsətdən istifadə edib cənab nazirə təşəkkür edir və onu əmin edirəm ki, istefada olan polis-polkovniki kimi qanunvericilik tələblərinə uyğun olaraq mülki vətəndaş kimi də borcumu davam etdirəcəyəm.

Əlavə olaraq qeyd edim ki, bu xidməti məndən sonra da əməkdaşlardan polis baş leytenantı Toğrul Nəsirli, polis baş leytenantı Pərvanə Muradova, polis-leytenantı Rüstəm Əhmədli və polis mayoru Araz Əsgərli təbliğat işini daha səmərəli təşkil edərək ictimayyətlə və KİV-lə qarşılıqlı, ardıcıl, məqsədli və layiqincə davam etdirəcək.

Əvvəlcədən hər kəsə minnətdarlığımı bildirir və əlavə suallarınızı cavablandırmağa hazıram.

Dərin hörmət və etiramla, Vaqif Əsədov"

Oxumağa davam et
Reklam
Reklam

Gündəm