Qırmızı.az
Xocalının "böyüməyən uşaqlar"ı – FOTO
Bu gün Azərbaycan Yazıçılar Birliyinin “Natəvan” klubunda Parlament Jurnalistlər Birliyinin sədri Elşad Eyvazlının “Böyüməyən uşaqlar” kitabının təqdimatı baş tutdu. Kitabda “Xocalı soyqırımı”nda hər iki valideynini itirmiş 25 uşağın ağrılı həyat hekayəsi və soyqırım qurbanlarının şəkilləri yer alıb.
Axar.az xəbər
verir ki, təqdimatda qələm sahibləri ilə yanaşı, millət vəkilləri,
media nümayəndələri və oxucular iştirak ediblər. Tədbiri giriş sözü
ilə açan AYB-nin gənclərlə iş üzrə katibi Rəşad Məcid hər kəsi
salamladıqdan sonra kitabda yer alan mətnlərin ağrı-acısından
danışıb.
Xalq yazıçısı Anar da belə bir əhəmiyyətli kitaba görə Elşad
Eyvazlıya təşəkkür edib. Xalq yazıçısı bu ağrılı “25-lər”in,
həqiqətən də böyüməyən uşaqlar olduğunu diqqətə çatdırıb. Bundan
başqa, o, kitabın müxtəlif dillərə tərcümə olunmasında əməyi keçən
hər kəsə təşəkkürünü bildirib, bunun siyasi arenada mühüm əhəmiyyət
daşıdığından söz açıb.
Daha sonra söz alan millət vəkili Fazil Mustafa Qarabağ və Xocalı
həqiqətləri haqda daha da möhtəşəm əsərlərin, filmlərin ərsəyə
gəlməsinin vacibliyini vurğulayıb. Həmçinin o, kitabın tamam yeni
üslubda hazırlanmasını da yüksək qiymətləndirib.
Türkiyədən gəlmiş qonaqların çıxışından sonra millət vəkili Jalə
Əliyeva əli qələm tutan hər kəsə səslənib, yazarları bu dəhşətlər
haqda dünya miqyaslı əsərlər yaratmağa çağırıb.
Sonda Elşad Eyvazlı tədbirə gələn hər kəsə
təşəkkür edib, kitabın daha geniş arenada yayılması üçün əlindən
gələni edəcəyini bildirib.
Qeyd edək ki, türk, ingilis və alman dilləri ilə yanaşı, dünyanın
bir sıra xarici dillərinə tərcümə olunan “Böyüməyən uşaqlar “
kitabı Nyu York kitab sərgisində təmsil olunacaq.
-
Qoroskop00:35
Günün qoroskopu: bir sıra mətləblər əyan olacaq
-
Nida Xəbər 1 May 23:50
Paşinyan: Mümkün qədər tez...
-
Hadisə1 May 23:26
Qızı evdən qaçan ata efirdə göz yaşı tökdü - VİDEO
-
İqtisadi gündəm1 May 22:50
Dolların qiyməti ilə bağlı QƏRAR
-
Region1 May 22:42
Türkiyə ordusu şəhid verdi
-
İKT1 May 20:50
Telekanallarla bağlı statistika AÇIQLANDI - Ən çox bu verilişlər...
-
Region1 May 20:40
"Xarici agentlər haqqında" qanun layihəsi ikinci oxunuşda qəbul edildi
-
Magazin11 May 20:30
"Komedixana"nın aktrisası rəqsi ilə diqqət çəkdi - VİDEO