Bakıda beynəlxalq kitab yarmarkası keçiriləcək

Bakıda beynəlxalq Kitab sərgi-yarmarkası keçiriləcək.

Mədəniyyət və Turizm Nazirliyindən Publika.az-a verilən məlumata görə, IV Bakı Beynəlxalq Kitab sərgi-yarmarkasında iştirakla bağlı ərizə-müqavilə qəbulu artıq başlayıb.

Yarmarka sentyabr ayının 16-18 tarixində keçiriləcək. Tədbirin təşkilatçısı Azərbaycan Respublikası Mədəniyyət və Turizm Nazirliyidir.

Sərgi-yarmarkada nəşriyyatlar tərəfindən buraxılmış nəşrləri nümayiş etdirmək, satmaq, iştirakçı xarici dövlətlərin nəşriyyatları, müəlliflər və milli nəşriyyat-poliqrafiya müəssisələri ilə danışıqlar aparmaq, müqavilələr bağlamaq imkanı qazanmaq mümkün olacaq.

IV Bakı Beynəlxalq Kitab sərgi-yarmarkasında stend sahəsi və avadanlıqları iştirakçılara pulsuz olaraq veriləcək. Sərgi-yarmarkada iştirak etmək üçün zəruri sənədləri (proqram, kataloq, iştirak şərtləri, ərizə-müqavilə) Təşkilat Komitəsindən əldə edə bilərsiniz.([email protected])

IV Bakı Beynəlxalq sərgi-yarmarkasında iştirak haqqında ilkin məlumat 15 avqust 2015-ci il, ərizə-müqavilə isə 01 sentyabr 2015-ci il tarixinə qədər sərginin Təşkilat Komitəsinə təqdim edilməlidir. (Ünvan: AZ1000, Bakı ş., Ü.Hacıbəyli küç. 40, Hökumət Evi, 3-cü mərtəbə. Tel: 493-06-80. Faks: 493-56-05)

Sərgi barədə bütün məlumatları www.mct.gov.az və www.bakubookfair.com saytından əldə etmək mümkündür.

Gülnar