Əhməd Vəliyev rektorluğu oğluna verdi
Bizi izləyin

Qırmızı.az

Əhməd Vəliyev rektorluğu oğluna verdi

Əhməd Vəliyev rektorluğu oğluna verdi


“Odlar Yurdu” universitetinin rektoru, deputat Əhməd Vəliyev rektorluğunu böyük oğlu Samir Vəliyevə təhvil edib.
Bu barədə məlumatı Publika.Az -a adının açıqlanmasını istəməyən universitet əməkdaşlarından biri deyib.

Mənbə bildirib ki, S. Vəliyev universitetin tədris və akademik proqramlar üzrə birinci prorektoru vəzifəsində çalışır. Rektor-deputatın bu addımı atmasına səbəbsə Milli Məclisdə rektor-deputat məsələsinin qaldırılması olub. Mənbə iddia edir ki, İqtisad Universitetinin rektoru Şəmsəddin Hacıyevin vəzifəsindən azad edilməsi isə Ə. Vəliyevi universitetdən tamamilə uzaqlaşdırıb. "Odlar Yurdu" özəl universitet olduğundan burda ikinci problem də var. Belə ki, Milli Məclisdə bir neçə dəfə deputatların sahibkarlıq fəaliyyəti ilə məşğul olmasının qadağan edilməsi məsələsi də qaldırılıb.

Mənbə iddia edir ki, Ə. Vəliyevin kiçik oğlu Munir Vəliyev də universitetdə maliyyə işləri üzrə prorektordur.

Qeyd edək ki, Ədalət Partiyasının sədri, deputat İlyas İsmayılov bir müddət öncə parlamentdə rektor olan deputatların ya vəzifələrindən azad edilməsi, ya da deputat mandatının ləğv edilməsi məsələsini qaldırmışdı. Hazırda bu məsələ açıq olaraq qalır. İ. İsmayılov bu məsələyə görə hətta MSK-nı məhkəməyə verib.
Məsələ ilə bağlı Əhməd Vəliyevin mövqeyini öyrənməyə çalışacağıq.

Asif

Oxumağa davam et
Reklam
Reklam

Gündəm