Trampla razılaşdıq ki... - Ərdoğan AÇIQLADI

Türkiyə Prezidenti Rəcəb Tayyib Ərdoğan amerikalı həmkarı Donald Tramp ilə ötən gün apardığı telefon danışıqlarının detallarını açıqlayıb.

Publika.az Türkiyə KİV-inə istinadən xəbər verir ki, Ərdoğan telefon söhbətində tarixi əhəmiyyətə sahib bir razılaşmanın əldə edildiyinə inandığını deyib.

“Trampın sosial şəbəkədəki hesabından verdiyi bir sıra mesajlar məni və yoldaşlarımı üzdü. Dünən faydalı bir söhbət etdik. ABŞ prezidenti Amerika əsgərlərinin Suriyadan çəkilmə qərarını təsdiqlədi. 20 mil enində təhlükəsiz zonanın yaradılması məsələsi onun tərəfindən ifadə edildi. Bu da 30 kilometrdən bir qədər çox enində olan təhlükəsiz zonadır. Suriyadakı etnik və dini fərqləri nəzərə almadan bütün qruplara qucaq açdığımızı, PKK/YPG-nin ona tabe olmayan bütün qruplara zülm etdiyini bildirdik. Bunların sənədlərini də onun məsləhətçilərinə verdiyimizi söylədik”, - Türkiyə Prezidenti Ədalət və İnkişaf Partiyasının qrup toplantısında bildirib.

Prezident əlavə edib ki, ikitərəfli ticarət həcminin 75 milyard dollara çıxarılması hədəfinə daha sürətli addımlarla irəliləməsi mövzusunda razılaşıblar.

Ömər