Region

Süleymaninin ölümündə onlarla şəxs ittiham edilir

28 Dekabr 2020 18:13

İslam İnqilabı Keşikçiləri Korpusunun “Qüds” Xüsusi Təyinatlı Qüvvələrinin komandanı Qasım Süleymaninin sui-qəsdində 48 nəfər ittiham olunur.

Publika.az xəbər verir ki, rəsmi Tehran bu və ya digər şəkildə generalın öldürülməsi ilə əlaqəli olan ölkələrdən məlumat tələb edib.

Tələb göndərilən son ölkə Almaniya olub. Rəsmi Tehrana Almaniyadakı “Ramstein” bazasının generalın öldürülməsində iştirak edən Amerika istehsalı pilotsuz təyyarələri arasında məlumat mübadiləsində iştirak etdiyi barədə məlumat daxil olub.

Bu barədə ölkənin insan haqları qərargahının katibi Əli Bakeri bildirib. Onun sözlərinə görə, müttəhimlərin ədalət qarşısında mühakimə olunmaları üçün lazımi addımlar atılıb.

Qeyd edək ki, generalın sui-qəsdi 3 yanvarda İraqın paytaxtı Bağdadda baş tutmuşdu.

Zümrüd