Region

Haniyənin ölümünə görə İranda HƏBS DALĞASI - Tehran kimlərdən şübhələnir?

3 Avqust 2024 21:48

İranda HƏMAS Siyasi Bürosunun rəhbəri İsmayıl Haniyənin qətli ilə bağlı 20-dən çox əhlükəsizlik məmuru saxlanılıb.

Publika.az xəbər verir, bu barədə “New York Times” məlumatlı mənbələrə istinadla məlumat yayıb.

Bildirilib ki, saxlanılan şəxslrə yüksək səviyyəli kəşfiyyat zabitləri, hərbi məmurlar və Haniyənin öldüyü Tehrandakı qonaq evinin əməkdaşlarıdır.

Hücumdan dərhal sonra təhlükəsizlik agentləri qonaq evinin işçilərini təcrid edib və hər kəsin mobil telefonlarını müsadirə ediblər. Tehranın təhlükəsizliyinə cavabdeh olan yüksək rütbəli kəşfiyyatçılar və hərbi qulluqçular dindirilib.

Mənbələr “New York Times”a bildiriblər ki, İran kəşfiyyat agentlikləri Mossadın işə götürdüyü agentlərin hələ də ölkədə olduqlarını, ona görə də onların həbs edilməli olduğunu düşünür.