Region

Təhsil müəssisələrində LGBT təbliğatı qadağan edilsin: Zurabişvili imza atmadı

2 Oktyabr 2024 15:02

Gürcüstan prezidenti Salome Zurabişvili LGBT təbliğatını qadağan edən qanunu imzalamaqdan imtina edib, lakin veto qoymayıb və sənədi parlamentə geri qaytarıb.

Publika.az xəbər verir ki, bu barədə Gürcüstan liderinin administrasiyasından məlumat verilib.

“Prezident qanunu imzalamayıb və parlamentə qaytarıb” – deyə administrasiya nümayəndəsi izah edib.

Gürcüstan qanunvericiliyinə görə, prezident qanunu imzalamaqdan imtina edərsə və veto hüququndan istifadə etməzsə, sənədi parlamentin sədri imzalayır.

Sentyabrın 17-də Gürcüstan parlamenti LGBT təbliğatını qadağan edən, cinsiyyətinin dəyişdirilməsini və nikah, övladlığa götürmə və tibbi əməliyyatlarla bağlı məhdudiyyətləri nəzərdə tutan qanun layihəsini təsdiqləyib. Qanunda qadağanın pozulmasına görə cinayət məsuliyyəti, o cümlədən dörd ilədək müddətə azadlıqdan məhrumetmə cəzası nəzərdə tutulur.

Sənəddə təhsil müəssisələrində və mediada LGBT təbliğatına görə cərimələr də nəzərdə tutulur.

Tural