Region
Gürcüstanda LGBT qarşıdurması: Zurabişvili yaxın durmadı, Papuaşvili isə...
Gürcüstan parlamentinin sədri LGBT üzvlərinin hüquqlarını məhdudlaşdıran qanunu imzalayıb.
Publika.az xəbər verir ki, daha əvvəl Gürcüstan prezidenti onu imzalamamışdı, buna görə Şalva Papuaşvili Salome Zurabişvilini tənqid etmişdi. Parlament sədrinin “Facebook” sosial şəbəkəsində dərc etdiyi yazılı açıqlamada deyilir:
“Bu gün Gürcüstan Konstitusiyasına əsasən, mən Salome Zurabişvilinin imzalamadığı “Ailə dəyərləri və yetkinlik yaşına çatmayanların müdafiəsi haqqında” qanunu imzalayıram.
Dövlətsiz və devalvasiyaya uğramış müxalifətin prezident olmuş nominal liderinin insan üçün ən dəyərli olanı – ailəni və uşaqları qoruyan qanunu imzalamaqdan imtina etməsi simvolikdir. Bu imtinadan aydın olur ki, Salome Zurabişvili harada dayanıb.
İmzaladığım qanun indiki müvəqqəti, dəyişən ideya və ideologiyaları əks etdirmir, sağlam düşüncəyə, tarixi təcrübəyə və çoxəsrlik xristian, gürcü və Avropa dəyərlərinə əsaslanır.
Mən yaxşı bilirəm ki, bu qanunun imzalanması bəzi xarici tərəfdaşların tənqidinə səbəb olacaq, lakin biz gürcülər, öz inancımız, sağlam düşüncəmiz və ölkəyə sədaqətimiz bunu tələb edəndə heç vaxt başqalarının qiymətindən qorxmamışıq... Kimliyimizi qoruduq, eyni zamanda, bu qanunla razılaşan milyonlarla insanın ruhunu görürük.
Bu qanun bütün vətəndaşların hüquqlarını, o cümlədən ifadə azadlığını qoruyur ki, başqalarının hüquqları pozulmasın ki, bu da əsl demokratiyanın mahiyyəti və ideyasıdır.
Tolerantlıq gürcü xalqının fərqli xüsusiyyəti olub, var və olacaq. Lakin biz onu da dərk etməliyik ki, tolerantlıq qarşılıqlı hörmət əsasında birgə yaşamaq deməkdir.
Bu qanun ən çox ictimai dəstək alan qanunlardan biridir. 2024-cü il mayın 17-də bir milyona yaxın Gürcüstan vətəndaşı Gürcüstan şəhərlərinin küçələrinə çıxaraq bu qanunla bağlı de-fakto referendum keçirib. Onun qəbulu prosesində biz dini konfessiyaların nümayəndələri ilə də müzakirələr apardıq, burada həm Gürcü Pravoslav Kilsəsi, həm də digər dini konfessiyalar bu qanunun ruhunu tam dəstəklədiklərini bildirdilər”, - Papuaşvili yazıb.
Tural
-
Enerji17:19
Neft qiymətləri ilə bağlı qeyri-müəyyənlik: Hərbi-siyasi gərginlik olduqca...
-
Sosial16:16
Allahşükür Paşazadənin, Ramil Usubovun evində işləmiş qadın: "Haqqımı halal etmirəm"
-
Hadisə15:47
Bakı metrosunda qatar yoluna düşən sərnişin vəfat etdi - VİDEO
-
Rəsmi xronika15:30
İlham Əliyev Zəngilana getdi - YENİLƏNDİ
-
Cənubi Qafqaz15:07
Qərbi Azərbaycana qayıdış sülh müqaviləsinə daxil edilib? - Rəsmi açıqlama
-
İdman14:08
Ronaldonun Corcinası fanatlarını yenə ovsunladı: Çılpaq və heyranedici FOTOLARLA
-
Sosial13:23
Zakir Qaralovun qohumuna yüksək vəzifə verildi
-
Cənubi Qafqaz12:15
Bakı İrəvanda bu küçənin adının ləğvini tələb edə bilər