Sağlamlıq

COVID-19-un ağır gedişat riskini beşqat artıran daha bir SƏBƏB

14 Oktyabr 2020 10:54

Finlandiya alimləri bir neçə yüz xəstədən alınan məlumatları araşdıraraq gecə nəfəsin dayanması ilə xarakterizə olunan obstruktiv yuxu apne sindromu olan insanlarda şiddətli koronavirus riskinin beş dəfə çox olduğunu aşkar ediblər.

Publika.az xarici mətbuata istinadən xəbər verir ki, tədqiqatlarda apneli xəstələrin bu patologiyası olmayan insanlara nisbətən infeksiya ilə xəstəxanaya yerləşdirilmə riskinin yüksək olduğu ortaya çıxıb.

Apnenin xəstənin yaşından, cinsindən və bədən kütlə indeksindən, həmçinin hipertoniya, diabet, koroner ürək xəstəliyi, astma və xroniki obstruktiv ağciyər xəstəliyi kimi digər xəstəliklərdən təsirlənməyən risk faktoru olduğu bildirilib. Bu, apne üçün xarakterik olan qanın oksigendən doyma sistematik narahatlığına əsaslanır. Bundan əlavə, bədəndə xroniki iltihablı prosesi təhrik edir ki, bu da qan laxtalanması və ateroskleroz riskini artırır.

Aytən Məftun