Pəhriz qan qrupuna əsasən seçilməlidir?

Yay ərəfəsində çoxları bədən quruluşunu qaydasına salmaq üçün müxtəlif pəhrizlərə əl atırlar.

Publika.az xarici mətbuata istinadən xəbər verir ki, amerikalı təbiətşünas Piter D'Adamo 90-cı illərdə arıqlamağın qeyri-adi üsulundan danışıb. İddia edilir ki, insanlar qan qrupundan asılı olaraq müəyyən qidaları daha asan həzm edir. Onun fikrincə, arıqlamaq üçün uyğun bir pəhriz seçərkən məhz bu faktı nəzərə almaq vacibdir. Həkim müəyyən bir qan qrupu üçün hansı qidaların faydalı olduğunu və hansılardan imtina etmək lazım olduğunu göstərən bütöv bir cədvəl tərtib edib.

Tibb elmləri namizədi, Hemotest laboratoriyasının qastroenteroloqu Yekaterina Kaşux bu texnikanın effektivliyinə şübhə ilə yanaşdığını deyib.

O qeyd edib ki, amerikalı təbiətşünasın əsərlərində ciddi elmi əsərlərə heç bir istinad yoxdur. Lakin ümumilikdə qan qrupu pəhriz seçiminə həqiqətən göstərə bilər.

"Adi testlər pəhriz seçməyə əlbəttə ki, kömək edir. Məsələn, qan biokimyası böyrəklərin, qaraciyərin, mədəaltı vəzinin fəaliyyətinin vəziyyətini öyrənməyə imkan verəcək. Ümumi qan testi anemiyanı, vitamin və mikroelementlərin çatışmazlığını və ya artıqlığını göstərəcək. Və bir mütəxəssis bu məlumatlar əsasında rejimi və pəhrizi fərdi şəkildə tənzimləməyə kömək edəcək", - Kaşuxun sözlərini "Vesti Podmoskovye" müsahibəsində deyib.

Aytən Məftun