Qoyunun bu hissəsini hətta canavar da yemir - “Mikrob və xəstəlik yuvasıdır”

Türkiyəli təcrübəli qəssab sosial mediada yayılan videoda qoyun ətinin müəyyən bir hissəsinin insan sağlamlığı üçün təhlükəli olduğunu bildirib.

Publika.az xəbər verir ki, o, bununla balı istehlakçılara və həmkarlarına xəbərdarlıq edib.

Qəssabın sözlərinə görə, qoyunun həm ön, həm də arxa qıç aralıqlarında yerləşən və xalq arasında vəzi (limfa düyünü) kimi bilinən bəyaz hissələr bütün mikrob, bakteriya və xəstəliklərin toplandığı əsas mərkəzdir. O, hətta təbiətdə canavarların da qoyunu ovlayarkən bu hissəyə toxunmadığını xüsusi vurğulayıb.

Xəbərdarlıqda qeyd olunub ki, qoyun əti hissələrə bölünməzdən və ya bişirilməzdən əvvəl ilk növbədə bu vəzilər bıçaqla təmizlənib atılmalıdır. Bəzi insanların bu hissənin zərərsiz olduğunu iddia edərək yediyini bildirən qəssab, bunun böyük yanlışlıq olduğunu, sözügedən hissənin qətiyyən istehlak edilməməli olduğunu və insanı xəstə edə biləcəyini diqqətə çatdırıb.

Hüseyn İbadlı