Gözaltı torbalarının səbəbi bu imiş

Gözaltı torbaları və bədəndə şişkinlik təkcə yuxusuzluq və ya orqanizmin xüsusiyyətləri ilə bağlı olmaya bilər. Məlum olub ki, həddindən artıq dar geyimlər də bu problemə səbəb ola bilir.

Publika.az xəbər verir ki, bu barədə Piroqov Universitetinin Morfologiya kafedrasının assistenti Vyaçeslav Artişev "News.ru"ya açıqlamasında bildirib.

Həkimin sözlərinə görə, dar yaxalıq, sıx büstqalter və ya beli kəmərlə həddindən artıq sıxmaq limfa axınını çətinləşdirə bilər.

Artışev bildirib ki, limfa sistemi orqanizmdə artıq mayenin xaric olunmasının öhdəsindən gəlmədikdə şişkinlik yaranır. Dar geyim limfa damarlarını və düyünlərini sıxır, qidada duzun çox olması isə mayenin axınını pozur. Susuzluq zamanı limfa daha qatı olur və damarlar vasitəsilə hərəkəti çətinləşir.

Həkim azhərəkətli həyat tərzinin də şişkinliyə səbəb olduğunu vurğulayıb. Uzun müddət oturmaq nəticəsində maye ayaqlarda toplana, axşam saatlarında baldırlarda, limfa axını pozulduqda isə üz nahiyəsində şişkinlik yarana bilər.

Adəm