Bağırsaqdan gələn bu siqnal nədən xəbər verir? - Həkimdən AÇIQLAMA

Nəcisin kəskin qoxusunun xüsusi səbəbləri var.

Publika.az xəbər verir ki, bu barədə qastroenteroloq Vendi Lebret danışıb.

Mütəxəssisin sözlərinə görə, tualetdən sonra yaranan xoşagəlməz qoxu hər zaman bağırsaqlarda problem olduğuna işarə etmir. Bunun səbəbi qidalanma ilə də bağlı ola bilər. Məsələn, faydalı qida hesab edilən paxlalıların həzmi zamanı bağırsaqlarda kəskin qoxulu qazlar əmələ gəlir.

Lebret qeyd edib ki, bağırsaqların fəaliyyətinə yuxu, hormonal dəyişikliklər, menstrual dövr, hamiləlik və premenopauza da təsir göstərə bilər.

Həkim sosial şəbəkələrdə tez-tez yayılan “ideal tualet vərdişləri” ilə bağlı müzakirələrə də toxunub. Onun sözlərinə görə, tualetdə bir neçə saniyə ərzində işi bitirməyə çalışmaq lazım deyil.

“Üç-yeddi saniyəyə tualetə getmək mənə bir qədər aqressiv yanaşma kimi səslənir. Əgər beş dəqiqə ərzində işi bitirirsinizsə, bu, normal çərçivədədir”, - deyə Lebret bildirib.

Qastroenteroloq vurğulayıb ki, nəcisdə və bağırsaq fəaliyyətində birdəfəlik dəyişikliklər, eləcə də bir neçə uğursuz tualet cəhdi ciddi narahatlıq doğurmamalıdır. Əsas məsələ vəziyyətin sonradan yenidən əvvəlki qaydasına düşməsidir.

Publika.az